我倆見面的第一刻！

我倆開始於2006年5月....ummm...算不算是網上結識？...又可以不算，因為我倆是經朋友介紹的。

我有位朋友叫 Y 小姐，我跟她是2005年的同事關係，後來她辭退工作，去了土耳其一年，住在朋友處，我和 Y 小姐常常msn，而她的朋友在家裡常常有gathering，而garthering嘅時候，都會開著webcam見到她的一班朋友們，而其中一位便是Memet了。而她所有的朋友都在msn add我同我傾計，但我對Memet的印象比較深。

可能是他的笑容吸引著我，傻傻的，有點害羞，有時仲係攬笑大師，每次跟他傾計都好開心，可能我唔怕羞吧！所以特別和他傾得來，後來，數月後，公司有假而我又想出外散心吓，而土耳其給我的印象是好神秘，所以便隻身去了土耳其。

還記得見到他的第一天，當時是下午四時半，我懷著緊張的心情到達Istanbul機場，當一踏出機場接人的門口，我遠遠已看到一個“爆炸頭”，由人群中飛奔走約５０公尺到我跟前，還用土耳其的見面禮給我，那個見面禮是先握著對方的手，之後大家就向左右兩面亙踫一下，可能我們香港沒有這個禮儀，所以給他嚇了一跳，整個人都目瞪口呆，不知有何反應才好．．但是心裡還是甜的啊！

（“爆炸頭”－因他是有點長髮，還有一點卷曲，而當天他已gel了髮，但是被大風吹得像個McDonald叔叔！）

朋友情！

仲有三個月便是我的婚期，開始有點緊張，但是，婚紗、禮餅、攝影錄影師等等都未搵，朋友還說：『皇帝唔急，太監急！』其實不是不緊張，而是不用太緊張而已．．．．．．有時每樣野放輕去看，會來得輕易。

開始致電給每位朋友，通知她 / 他們我將於九月尾嫁去土耳其，各人都有不同的反應，例如：

『恭喜哂喎！我等你呢餐都等得耐囉！．．．』

『吓？！你唔返香港嗱？你去０個邊做少奶呀？．．．』

『唔得！唔準去，我反對！．．．』

『土耳其？！咩地方０黎嫁？好似好落後咁喎！．．．』

『嘩！好浪漫呀！有冇靚仔介紹呀？．．．』

『真咖？我ｄ朋友當中都冇人同鬼佬結婚嫁，到時你一定要請我飲呀．．．』

『我真的唔捨得你呀！．．．

不同朋友的反應都不同，我都不知怎樣回應他們，但最後，他們聽後都是開心的。可能我以往都是我行我素，有些朋友聽後都有點難以接受到我要走去土耳其。在這近來，朋友要約出去都要約成個月後才約到出去，因我的appointment已排得滿滿，因為要留在家吃飯最少一星期兩晚。煩請多多原諒。咁你地得閒就黎土耳其探下我啦！

各位朋友，你們給我這生命裡已留下很多回憶、很多情感，我真的害怕不捨得你們啊！！