現在返了工, 做煮飯呢個工作變左由我老公負責, 因為佢早過我返屋企, 而這幾晚, 佢做了兩款唔同的土耳其肉餅我試, 超正囉!!
首先, 加入已攪碎的肉碎
再加入一隻蛋, 哈哈, 呢隻蛋是有兩個黃咖, 孖胎喎!!我有就好啦！！
之後加入專整肉餅嘅粉，包裝可以看看下兩幅相，
就是這包啦，只要加呢包粉落去D肉到, 就會醬埋一齊, 變成肉餅
再加呢種香草, 土耳其文叫做maydonoz (英文解釋sanicle), 完全可以將D肉冇哂蘇味, MEMET話, 佢細個食煙後, 又唔想比屋企人知, 便走去食幾條呢D香草, 可以去除口氣, 講時講, 起初我以為是"鹽西", 原來唔係, 呢個香草加入去D 沙律到一樣咁正!!
之後再加D黑椒 Karabiber
這兩樽是紅椒粉, 少少辣!!
全部加埋一齊, 便攪成一起
初步便是這樣啦！！
ＭＥＭＥＴ話最好用手黎搓喎！！
ＭＥＭＥＴ將佢分開幾份，再壓成肉餅！！
便是這樣了，今次佢話煎黎便漢堡，土耳其人有種食法是用來放入法包，再加Ｄ洋蔥，生菜，蕃茄黎食，其實同老ＭＣＤ Ｄ漢堡飽差不多，那當然，Ｄ味道唔同啦！！
唔好睇佢好似好薄，煎後都好厚吓咖！！
放入鍋中，半煎炸
便是這樣了，起大個囉，有兩個ＢＩＧ ＭＣＤ咁大呀，我只食了半個，已飽到頂，真係超正！！果然，我老公煮野食，好食過我十倍呀！
而第二晚，呢次是做小型來送飯食！
一樣的做法及煮法！
我仲加左Ｄ茄汁，其實都唔駛加，都超好味，辣辣地，你地可以問吓我其中一位ＢＬＯＧ友ＬＩＬＹ，佢上次黎，我老公都有煮比佢試，原來ＬＩＬＹ唔食牛肉，因驚皮膚敏感，但ＬＩＬＹ都話好好味，都食左兩舊仔囉，希望佢冇對我地講大話啦！！
=====================================================
Köfte (meatball) (音: Kurf-te)
Karabiber (black pepper) (音: Ka-ra-bi-ber)
maydonoz (Sanicle) (音: mar-ry-don-noz)
=====================================================
