黎左土耳其已經兩個月了, 因為天氣比較凍,加上D包裹仲未到手, D冬天衫可能仲要等多一個月才到這裡, 所以時常在家, 都沒有出外逛街, 而MEMET又要返工, 好多時只去超市逛逛, 看看有什麼特式而又便宜嘅食品, 而今次去完超市, 比我見到有樣野係佢媽咪曾經煮過嘅特式小食, 我稱佢為==>飯卷, 真正名稱是SARMA.
而一小罐飯卷在超市買, 約3-4LIRA. 約二十幾蚊港幣左右一罐,
而喱D飯卷好似D壽司咁樣, SIZE都差不多, 可以一兩口便食完, 佢係由一D葡萄樹葉將D飯包住, 而味道是有些少酸酸甜甜的, 入面D汁是透明的, 咬感有類似五月的糯米種一樣, 口感十足, 不過最差的是凍食, 佢地土耳其人係唔會煮熱來食, 講講吓真的像壽司一樣的感覺, 可能最近天氣漸冷, 而我地香港人一冷便要來個熱熱的火鍋, 但是, 當了吃第一口時, 感覺怪怪的, 哈哈, 但之後, 便好想吃下去, 可能自己本身都喜歡有口感的食物.....食一小罐已經好飽, 好飽, 因為我只食四小條便有肚飽嘅感覺, 一罐大概有十小條飯卷, 不過, 真的想再食第五條, 但又怕肥.
裡頭全是由D汁包住, 味道十足, 真係唔錯, 等下次見到MEMET媽咪時, 叫佢教我煮法, 不過, MEMET話, 唔好睇佢冇咩材料在裡面, 但煮嘅過程非常多, 可能個汁是最重要, 因為要將D飯帶出一種令人忘懷嘅感覺才最難.
