MEMET的野蠻老婆 (Sassy Wife)

呢排成日一到WEEKEND都有出街行, 但都係著對CONVERSE, 都有時對腳行得耐都有少少痛, 可能一星期只穿一次波鞋, 在家只穿毛巾拖鞋, 便釀成雙腳不慣穿鞋了, 昨天晚上上映左一幕片段, 同電影(我的野蠻女友-Sassy girl) 差不多, 皆因我有份工叫我去見工, 而我便穿了一對係好舒服嘅高跟鞋去見呢份工, 因為在香港時, 還用來上班穿的, 可能我有差不多八個月都沒有穿高跟鞋了, 就算呢排平時穿CONVERSE, 著得耐, 對腳都有少少痛.

咁昨天一早八時起床, MEMET便同我一齊返左TV, 因佢有D手尾要完成, 才可同我去見工的地方, 之後, 下午便去見工, 見完工後, 便和他由見工的地方行去TAKSIM, 仲係TAKSIM周圍行, 還約了他的朋友飲下午茶.

之後, 我地仲行了成個鍾, 便去了朋友家, 展展轉轉便到夜晚成十一時才開始回家, 你知嗎? 其實我臨去個朋友屋企時, 雙腳已經痛到嘔, 之後, 返屋企途中, 仲要著住對高跟鞋行廿分鐘才回家, 那廿分鐘是以著CONVERSE嘅速度, 仲要著住對高跟鞋行, 可想而知, 個時間應該仲耐, MEMET話背著我回家, 但我咁重, 因為我都唔係細粒嗰D人, 就算佢背著我回家, 都要中途休息吓啦!!

圖片引用:  我的野蠻女友-Sassy girl

我仲一邊行, 一邊鬧MEMET, 因為佢想到下一個站下車, 一來買甜品, 二來因為斜路, 佢諗應該我易D行, 我罵他不知女人穿高跟鞋的痛苦, 高跟鞋已經高, 還要落斜路, 那種滋味男人是完全不知道的........

那麼, 在我很嬲的時候, 我便嬲嬲地除下高跟鞋去行路, 讓雙腳好過一點, 突然, 他也停下來, 那時, 我已經過了他頭, 完全不理他便去也,

"停呀, 你穿這個吧!! 你這樣會著涼呀!!" 原來, 他也除了對波鞋走來給我穿
"................" 我不發一言的行下去, 只望望了他一雙波鞋便行了
"你要穿這個!!" 他命令式的拉著我雙手, 停了我, 還幫我穿上他那一雙大大的ADDIAS波鞋.............
"不用吧, 你穿回這個吧!" 我們行了幾步, 我便說
"唔得, 我現在都可以行到呀! 只是對襪污穢了!!" 他回應到
" 謝謝!! "之後, 我停下來, 感動地擁抱著他說.....

後來, 過了數分鐘後, 我突然想起電影-我的野蠻女友-Sassy girl, 還笑他要穿我那對高跟鞋...... 我們還一邊行一邊講那套戲的情節......

MEMET...... thank you so much!!! I love you!! because you are really care of my eveything. Thank you!!

土耳其伊斯坦堡(四)

今次MEMET提議去Beşiktaş附近睇吓, 佢話Beşiktaş有個地方叫Ortaköy有好多野睇同有好多野賣, Ortaköy- Orta解作"中間", 而köy解作"鄉村", 即成個叫"中村" 咁解啦, 呢到其實就係上次我曾經介紹過果條好似香港的青馬大橋的歐洲區那邊, 咁我地星期六就出左去睇, 我地由屋企乘Metrobus去到Şişli再轉乘巴士去Ortaköy. 途中見到一個Müze(博物館)的建築物好靚, 雕琢好細緻

連個門口都精緻過人

還途經四季酒店(Four Season)

到啦, 原來Ortaköy好似女人街, 咩野都有得賣, 仲好多人呀!!

呢間舖頭D野仲好似香港D舖頭咁, 賣D好多唔同款式嘅燈, 有五顏六色, 好鬼靚, 但影左出黎就冇咁靚!! 

呢到仲有D屋好靚同埋有好多旅遊人土和土耳其人都黎呢到TIM

我仲發現有隻包超好味, 叫做Midye Tava, 仲好食過煎魚包十倍, 價錢又一樣, 我超鍾意食, 原來在TAKSIM都有得賣, 不過, 唔係好起眼, 所以從來都唔知有, 總之, 你地有機會黎土耳其一定要試呢個包, Midye Tava即係等如Fried mussels, 原來係用青口D肉炸完之後, 再加特製白色醬汁而成, 我食極都食唔出佢係用D咩黎做, 等我下次再試清D就話你地知呀!! 總之, 五粒星爆燈!!!

佢地就係咁樣炸完之後加D鹽加D白色醬汁去個包到, 只賣4lira(即23元港幣一個), 同煎魚包價錢一樣

我地行到呢到, 左邊全部都是小賣部, 有好多唔同野食賣, 例如, 焗薯, 煎魚包, 羊肉燒烤, 炸青口包........ 樣樣都有. 依, 呢位哥哥做咩咁樣呀, 莫非女朋友唔比你食咁多, 驚肥?

再行過D, 見到燒羊腸包kokoreç(grilled sheep's intestine), 我比MEMET激死, 因為佢騙我這是牛腸包, 話叫我試吓, 咁我就走去買黎試吓啦, 嘩, 佢明知我唔食羊, 我一試便試到龍與鳳啦, 即刻掉番比佢食, 豈有此理話

我地仲影左少少影片, 佢地又係加D鹽, 加D辣粉, 在片中, 果個人仲問我辣唔辣, 點知我同MEMET一齊答佢唔同野, 我話少少, MEMET話好D辣, 攪到個人仲望吓我TIM, 我仲有問佢幾錢咖, 佢話3.50lira, 點知我只聽到3lira你話啦, 我D聽解能力幾差吖!! 唉!!



呢個就係包裝紙包住, 嘩, 原來呢間店舖都有成37年歷史喎!! 包裝紙上面仲寫住Afiyet Olsun, 即係enjoy your food咁解!!

其實如果食到羊嘅朋友, 都應該鍾意食, 皆因, 佢係燒到脆脆的, D肉又多汁, 我試完其實都覺得唔錯, 但係果種味, 到最後都頂唔順, 不防你到都去試吓!!

=======================================================
Orta (Middle /Medium) 中間(音:Or-ta)
köy (village) 鄉村 (音: 渠)
Midye Tava (Fried mussels) 炸青口包 (音:mi-d-ye Ta-va)
kokoreç(grilled sheep's intestine)燒羊腸包(音: ko-ko-rech)
Afiyet Olsun!! (enjoy your food) (音:Ar-fi-yet Ol-sun)
========================================================

土耳其做PIZZA

而家每個星期六, 一到週末, 去完街之後, 都好少會在外食飯, 因為有時有D野唔係好啱我食, 例如羊便是其中一種食物, 我係唔會食, 唔知係唔係我覺得D羊好似狗, 因為我本身好鍾意狗同貓, 所以我係唔會食羊嘅!!  我係香港時, 超鍾意食PIZZA, 所以好多時我地都會去PIZZA HUT食PIZZA, 之後, 有次我朋友GINNIE黎土耳其時, 同佢一齊去學整PIZZA, 不知幾成功, 咁之後, 現在逄週末我都會同MEMET一齊整PIZZA食!!

因為鍾意食芝士, 又鍾意食麵包, 所以PIZZA完全附合我嘅要求, 自從學識了點整PIZZA之後, 我係唔會再出街食, 除非大班人去就冇得好講, 如果唔係, 自己鍾意加咩野就加咩野餸, 幾好呀!!

麵團材料：(搓成需時20分鐘)
中筋麵粉　約200克
糖               1茶匙
鹽               半茶匙
酵母           1茶匙  (最好先加少少水, 溶左D酵母)
水               半杯
牛油 橄欖油    1茶匙


咸料:
芝士            你想幾多都得, 最好越多越好, 我話嘅!!

茄膏            適量
隨你喜歡

（其實中筋麵粉D份量, 我自己都係大概咖咋, 同埋咩野麵粉都做到，只是Protein含量不同，中筋的蛋白質含量係８－１１％，高筋１１％以上，而低筋是８％以下）都係Ginnie教我睇, 如果唔係都唔識

之後, 落麵粉, 加糖,鹽及酵母在麵粉中搓, 搓到成個麵團, 再加少量牛油或橄欖油, 加完之後, 個感覺好好搓, 未加之前, 麵團感覺有少少緊, 整個過程約十五分鐘

之後, 將個麵團效入溫暖地方約一個鐘, 我會放入煲內, 再放入一盆盛滿暖水或熱水中, 再加一塊熱毛巾摭蓋著, 可加快發酵, 其實要視乎個麵團D酵母, 約大半個鐘後, 可用手指吉下個麵團, 如果個手指洞撼入而不反彈, 即係話個麵團OK咖啦, 相反, 如果反彈的話,當然要再等吓啦!!

在等嗰個鍾, 當然去預備咸料啦, 以下就係我個PIZZA 嘅材料啦!! 茄膏啦, 千島醬, 芝士(刨碎), 蕃茄(切片或絲), 牛肉碎, 腸仔, 土耳其香腸, 橄欖, 粟米粒, 青椒, 蘑菇, 甘筍等等.

麵團OK之後, 再搓吓佢, 搓成圓型放入盆中

之後, 就用叉拮吓幾個洞, 因等佢有膨脹空間, 之後搽上茄膏, 將所有咸料隨意放上

哈哈, 你地睇, 幾多料!! 在放D料途中, 去將個焗爐預熱10分鐘200C, 之後, 放完料後, 便可放入焗爐啦, 我放嘅時間係20分鐘同230C, 因為我鍾意食脆脆的餅底, 所以耐D, 我個焗爐好正, 可以做到個餅底好似D COOKIE餅咁, 好鬆化, 而度數方面, 就好睇個焗爐係點, 因為家用焗爐同店舖D焗爐唔同, 所以要自己去測試屋企個焗爐嘅火喉啦!!

OK 啦, 呢個就係成品啦, 焗嗰陣時, 成間屋都好香噴噴咖!!

正唔正呀? 好香呀!!

你地睇吓D咸料

MEMET仲係上面加左D沙律醬, 佢寫左D字, 不過, 都唔知係嘜東東!!

哈哈, 你地睇吓似咩???真係比MEMET笑死

其實PIZZA真係好易整, 又平又好味, 又唔駛落調味料, 就已經好夠味道, 你話啦, 我地更係每個星期都食啦!!下次, 我地會試呢個土耳其PIZZA(即係Pide啦!!)
=========================================================
Un (Flour)麵粉 (音: Ur-n)
Hamur (Dough) 麵團(音: Ha-mur)

Maya (Yeast) 酵母 (音:Ma-ya)      
Salça (Tomato Paste) 茄膏 (音: Sal-cha)
Mantar (Mushroom) 蘑菇 (音: Mang-tar)
=========================================================  

土耳其香腸(Sucuk)

上次去完搭呢個小輪之後, 發現Tost Kaşari 非常好食, 咁就決定買呢個土耳其香腸(Sucuk)加芝士做早餐, 講時講, 德國香腸好好味, 其實土耳其香腸一樣都係咁好味, 唔怪得之, 價錢都唔平, 一般係10Lira一條(約港幣55元左右), 當然有D靚D, 價錢就更高D啦!! 呢到係我在超市偷映咖, 成個櫃都係呀, 有大有細有唔同味道!! 不過, 我覺得就算係唔好品種, 個味道都係差不多, 那當然不要買D太便宜啦, 因為我曾經試過貪平買D黎試, D肉真係有少少"梅梅"地, 所以真係一分錢一分貨!!

其實我覺得土耳其香腸個樣有少少似我地香港中式嘅大紅腸, 我將佢切開黎比大家睇吓, 都係有D肥糕在內, 其實又好似PIZZA HUT 個D辣肉腸, 佢本身個表皮有塊膠包住, 所以食先要將之撕去喎!!  今次同大家講有兩種煮法, 第一係土耳其香腸加芝士烘製三文冶, 第二係土耳其香腸煎蛋:

土耳其香腸加芝士烘製三文冶 (可當早餐或下午小食, 需時十分鐘)
材料:
土耳其香腸 十片
芝士 十小片
麵包 兩個

我將一塊塊的芝士切成一片片

預備兩個類似咁樣嘅麵包

將五片土耳其香腸及五片芝士片放入麵包中

之後, 放在烘製的夾爐內夾製, 夾成扁扁的

這個便是成品啦, 好好味咖!!

D芝士已經溶入麵包內, 香噴噴, 熱烘烘啊!!

另外一個就是土耳其香腸煎蛋
材料:
土耳其香腸 數片

雞蛋 三至四個

鹽 適量
油 少量

先將油入鍋中, 放入土耳其香腸, 煎煎兩面

之後, 打入雞蛋

雞蛋煎到半熟時, 將之弄破, 有少少蛋汁, 再加少許鹽調味, 便成!!

你地睇吓, 可能你地會覺得好多, 其實呢餐係BUNCH呀, 早餐加午餐呢, 可以食多D呀嗎!! 嘻嘻!! 你地覺唔覺得我擺到D野好似個人樣呀!! -->  /@.@\

=================================================
 

土耳其的渡海小輪

我地兩個一到熱天就精神, 好似D蛇虫鼠蟻冬完眠一樣, 要出動咁, 而家每星期尾, 一到WEEKEND, 我便同MEMET出去周圍逛街, 上兩個禮拜先同佢出左去, 不過又係TAKSIM同Kadıköy遊吓, 之前搭過觀光船, 今次我地搭小輪, 就好似香港過九龍一樣, 但我地係由歐洲去亞洲, 哈哈, 好似講到好遠咁, 其實都係好似普通過海咁樣!!

出到TAKSIM, 我地行左一陣, 就乘小巴(Dolmuş)去轉小輪(vapur), 在小巴途中, 見到有人修路, 就諗起香港, 因為香港都係周圍有修路工程, 唔知點解可以周圍都有, 係咪咁樣可以增加生產力呢? 真係要問吓政府, 之前我去過日本, 個導遊話我地係睇唔到D日本人在日間修路, 因為會影響市容, 係咪呢? 有冇人知呀?

由TAKSIM乘小巴只需五分鐘左右, 便到了這個碼頭, MEMET話這個碼頭係去亞洲Kadıköy嗰邊, 但想入去時, 個SECURITY話原來搬左去第二度, 好彩, 只是行三分鐘便到, 但是, 因為趕船, 所以唔夠時間影個碼頭個樣TIM.....

上到船, 我地上左去上層露天位嗰度映相, 由這裡影出去, 下層的兩側是有位坐的, 而兩層都係同一個價錢, 唔記得幾錢TIM, 好似係1.5 LIRA (即差不多十元港幣), 貴過香港渡小輪, 不過, 佢大隻過香港小輪好多, 好似坐緊去長洲D船咁!!

小姐, 唔好睇唔開喎, 睇吓風景好啦!!

嗱, 遠處我地見到好似青馬嗰條橋呢, 而前面個隻就係上次我坐嘅其中一種觀光船啦!! 喂, 唔好話我有歧視, 前面呢兩條友仔, 當我影完相之後, 佢地喺度咀咀喎, , 我同MEMET都唔敢咁張揚啦, 佢地.... 唉!! 其實土耳其D同性戀者都幾多吓!!

影吓MEMET先, 嘩, MAN好多

呢隻便是其中一隻觀光船啦, 價錢都好似要成20LIRA一次, 成百元港幣咖, 嘩, 佢都幾好賺喎!!

呢度便是入面D坐位啦, 完全係我有我影相, 你有你忙碌!!

坐坐吓有D肚餓, 便同MEMET走去小食部食吓野, 好多野賣, 由D廣告睇得出, ÜLKER係土耳其一間幾出名嘅公司, 就好似雀巢咁, 佢地D野都唔錯, 好多時我都有買佢地出D消化餅食, 唔錯咖!!

呢度賣嘅茶(Çay)只是0.5 LIRA咋, 好平呀! 平時係出面要成1.0LIRA咖!! 我見到有個Tost Karkşık都係賣1.75LIRA, 入面有土耳其香腸(Sucuk)加CHEESE, 咁就叫左杯茶同TOAST試吓啦!

佢地仲有另外一隻叫TOST KAŞARLI, 只是CHEESE加麵包, 都要成1.5LIRA!!

其實呢個小輪入面係有座位供應比D食客, 但係滿哂座, 咁唯有坐番入面D座位度食啦!

呢個多士, 入面有土耳其好出名嘅香腸加芝士再烘製而成, 真係好好味, 等我下次做佢黎當早餐先!!

D香腸咸咸地, 仲加埋D芝士, 完全係比個"正"黎形容佢!!

到啦, 終於到左亞洲區Kadıköy啦!! 你地會見到呢個波波形嘅物體, 好似係氫氣球黎咖, 可以比D遊客坐住佢遊ISTANBUL, 不過, 我唔禁坐, 唔知係咪年紀大, 有D開始偎高呢!

臨落船見到海裡面有好多水母, 原來水母叫Deniz anası, 其實有時我覺得土耳其文同廣東話差不多, 因為Deniz解海, 而ana解母親, 即同廣東話一樣, 係海裡面嘅母親, 咁有冇人知道點解呢D叫"水母"呀?

臨走即刻影多張相, 因為無咩人, D人去哂預備落船!!

今次去到TAKSIM, 見到有座好古舊嘅建築物, 建於十七世紀, 叫做Galata Tower (Galata Kulesi), MEMET話呢座建築物係好出名, 因為好多年前, 應該是尚未有飛機年代, 試過有好幾個土耳其人曾由此處頂樓, 行用類似滑翔機物體, 由此處飛越(好似青馬果條橋呢!)及去亞洲區, 所以有好多旅遊人士都黎呢度感受吓呢個人飛出去果陣時嘅感覺, 因為呢座建築物喺當時黎講, 係伊斯坦堡最高咖喇!! 其實講真, 佢又唔係太高, 都唔知果D人點用D風飛去亞洲區果邊, 頭先坐小輪都坐成20分鐘啦!! 不過, 土耳其的確有時幾大風吓!!

現在呢度如果要上去, 要比入場費5LIRA, 剩係上一上去望吓風景都要成30元港幣, 又唔係香港山頂咁靚, 所以我從來都冇上過去睇吓, 而家上面有酒吧同餐廳TIM

================================================
Dolmuş (Shared bus 小巴) (音: Dol-mush)
Vapur (streamship) (音: Wap-poor)
Hafta sonu (Weekend) (音:Haf-ta song-nu)
Deniz anası (Jellyfish 水母) (音: Den-niz a-na-see)
Galata Kulesi (Galata Tower) (音: Ga-la-ta Ku-le-si)
Sucuk (Turkish Sausage) (音: su-cuk)
Tost kaşarlı (Toasted bread with cheese) (音: Toast Ka-shar-leer)
Tost Karışık (Toasted bread with Turkish sausage) (音: Toast Ka-ree-sheek)
=================================================