一月十二日(星期一), 晴天, 這天一早七時起身, Memet請了半天假, 陪我們一起去中國領事館, 因為路途比較遠, 而我又不太懂地理環境, 加上我們是住在Istanbul歐洲區的西面, 而中國領事館是在東北面, 位於Tarabya, 由我屋企去, 首先要乘Metrobus去到Şişli站, 再轉乘地鐵到4-Levent站, 再轉乘巴士40B到Tarabya, 總時間要兩小時多車程, 我們吃完早餐, 八時半出門口, 去到都要成十時半。
去到都不是問題，問題是我們還要上山，那裡又沒有巴士到，的士又少，只有步行上山，唉！行路都要成半個鐘，好似上山學武咁！終於見到中國領事館了，但見門口站了三個中國人，他們同個Security guard傾緊野，點知個Security又唔識講英文，又唔識講中文，只識土耳其文，都唔知點解中國領事館唔搵個識講其他語言嘅Security喺度，好彩Memet有來，跟他說我們為何事來，但他只是叫我們在門口等，而另外果三個中國人係講普通話，兩個女及一男，佢地應該是不同一齊的，而其中男的是懂些少土耳其文，但佢同個Security講時，好似唔係幾明個Security講咩，咁Memet好心幫佢做翻譯，
"He said that if you take the passport, you need come here at 3:00pm"
但是他們沒有理會Memet，咁我地以為他不明Memet講咩, 咁我地就用普通話同佢講, 叫佢下午三點後來取証。但是佢連答都冇答我地，奇怪！！
之後，只聽到其中一個女人都是遺失passport，那麼便去問問她是怎樣遺失的，諗住大家都是中國人，可能會同聲同氣，點知問她們，她們一句都沒有理會我們，嘩，當時我完全嬲到極點.....心想...點解Ｄ人咁冇禮貌咖？大家都係中國人啫, 不用這樣對待
幫佢地講，問佢地，一點都不回應，我地個樣應該唔似好衰啫......
之後, 我地各有各等, 個Security 一見佢由上圖嘅白色門口出黎時, 就即刻走上前問佢, 只知道要在門口等, 為何?? 再致電去入面, 佢地都係咁話, 喺門口等, OK啦, 點知等左成粒鐘先輪到我地入去, 睇吓個水牌, 嘩!! 原來只開一三五早上9:00-13:00, 佢地嘅工作時間都唔錯喎!! 但係對我地黎講就慘囉, 位置又遠, 晨早就要去做文件, 一星期先得三日可以做野, 那裡夠時間呀?!!! 我地務必星期五那天必須做好補發出入境文件, 如果唔係, 趕唔到星期六班機喎!! 入到去只取左份FORM填, 又冇其他証明文件, 唯有回家致電香港入境處幫忙!!!
之後我地返企就電郵去入境處, 又聯絡香港朋友或親人幫手SEND身份證明比入境處, 給補多個電話同入境處職員一定要求註土耳其中國領事館必須星期五做好各樣文件, 唔好話稱讚香港人做野快, 我地香港入境處即刻幫忙。
一月十四日（星期三）我地即刻PRINT OUT所有文件交去領事館,
一月十六日（星期五）佢地中國領事館待我們交埋50lira, 即係300HKD入佢地銀行之後, 在下午一點前就做補發文件, 真係幸運!! 可以趕到星期六班機, 如果唔係, 又要破財買過張機票啦!! 在這天下午，我同Ginnie真正可以輕鬆去買下Ｄ手信比佢香港Ｄ朋友，我同佢果日嘅心情都好好，因為我地終於可以攪掂哂所有野，而佢又終於可以返到香港啦！！
所以, 將來大家去旅行, 如果遺失証件, 當然唔好啦!! 那麼, 你地最好要預備以下:
1) 身上或朋友或家人有身份証影印本,
2) 去當地警察局發出一份有效之遺失証明
3) 到當地領事館填一份補發出入境証明文件
4) 最好出EMAIL和致電香港入境處聯絡及要求他們SEND 電郵給當地領事館証明自己身份,
5) 預定一些手續費要交給當地領事館作補發文件用
那麼, 好快便可以申請補發文件了!!
希望各位出去旅行之前, 唔好掛住PLAN去邊個景點, 都要PLAN吓自己萬一在當地有問題時, 應該點去預備各樣文件, 那麼, 去旅行都會去得輕鬆自在!! 對嗎??
下面呢張相係我喺中國領事館門口等果陣時, 見到這個漂亮的浦公英, 便拍下來作個紀念!!! 總之, 去邊度都好, 都要保持心境開朗, 人都開心D 啦!!! 祝各位去旅行時愉快無比!!!
=========================================
Pazatesi (Monday) (音：pa-za-te-s)
Carşamba (Wednesday) (音：char-sham-ba)
Cuma (Friday) (音：chu-ma)
Sabah (Morning) (音：sa-ba-h)
Çin (China) (音：Chin)
Konsolosluğu (Consulate) (音：con-so-loss-luu)
=========================================
!!
諗起已經流口水啦。
