亞馬西亞(Amasya) 的Merzifon是土耳其近北部黑海地方, 由首都Ankara乘五小時車便去到, 如果由Istanbul乘十小時車左右便到Merzifon, 這地方便是Memet出世的地方, Merzifon是一個寧靜而環境清幽,
現在天氣稍有秋意，大約有１５度左右，有藍藍的天空
我最鍾意這些樹，因為我最鍾意聖誕節
這間屋已超過二百年歷史
這個地方是一座鐘樓地方，Ｄ茶檔係用小型的枱和櫈，其實我地黎呢度買機票返Ｉｓｔａｎｂｕｌ， 順便坐低飲杯茶食個飽啫。。。。
這個便是鐘樓了，個天一Ｄ雲都冇咖！！
這兒的茶檔還有個女人喺度整餅，都幾好味咖。
2008年10月1日
在土耳其婚禮中, 少不了一定有唱歌及跳舞, 我想, 他們的確是擁有跳舞天份, 無論任何一首歌曲, 他們亦可以跳得輕鬆自如, 無拘無束......沒有像DISCO的瘋狂舞姿亦沒有芭蕾舞的過份優雅.......怪不得肚皮舞在土耳其裡是那麼盛行....那麼的令人愛上.
當晚, 我們還請了隊BAND黎唱歌, 佢地好PRO, 有埋重音響, 真係成條村都聽到佢地唱歌, 後面仲有D人係度跳舞tim,
呢度又一班人跳舞啦!! 佢地跳緊其中一種舞係要將對手提高, 好似隻鷹係度飛緊, 提得越高越代表好, 好攪笑, 我就覺得好似隻蟹咁, 嘻嘻
喱到又一班, 就連MEMET嘅Daddy 同Mummy都跳埋一份, 個個都好開心好熱鬧, 不過佢地好興跳集體舞, 仲每個鄉下都有D唔同, 差不多隻隻舞都唔同, 我當然要跳啦, 最慘係我本身唔識佢地D舞步, 又要跟住佢地跳, 條裙又好鬼長, 我要成日拎住佢, 好鬼煩,我唔只對腳累, 連對手都好累,
喱隻又第二款啦, 要手指尾拖住第二個人嘅手指尾, 唔知點解呢?? 仲有是有個人帶頭, 他帶著一條閃閃的手拍. 便開始帶著各人跳舞, 仲圍著圈跳,FUNNY.....
喱隻係搭住人地膊頭跳, .....
跳完之後, 我地兩個要企埋一邊, 等D親戚比祝福及禮物我地, 有D送金幣同金鈪, 有D送現金, 有D送電器, 有D送廚房用品, 那之後當然少不了仲黎個土耳其HUG啦,
其實一對新人應該有兩條紅色的布圍住條頸, 一條新郎, 一條新娘, 好似奧運選手攞金牌果條咁, 或者好似人地天主教教宗圍住條頸過條咁樣, 不過, 因為唔係大攪, 所以我地沒有預備到, 那麼D賓客就可以將佢地D金幣同錢掛住係條紅布上, 之後就影番張相留念.
右邊係MEMET個細妹, 她可能有了身孕, 之後佢便會返ANKARA驗身, 唔知仔定女呢?? 我身上白色的披肩, 是她親手織比我穿的, 因為她知道這時D天氣比較涼, 果然女仔係細心D, 而左方這位婆婆係MEMET的嫲嫲. 佢好可愛咖, MEMET話佢個樣有少少似比卡超, 哈哈.....
這樣, 便完成我們的土耳其婚禮, 更開始進入我做煮飯婆生涯了......
<完>
2008年10月1日
係土耳其攪結婚, 因為我們沒有太大攪, 所以只是在他家人鄉下AMASYA的MERZIFON屋裡面攪婚宴, 而由ISTANBUL坐飛機只要一個鐘左右便到, 但乘長途巴士便要10個鐘左右, 但因當時是土耳其的斎介月, 單單一張機票價錢已是二千港元左右, 直情可以去一轉英國, 之後便選擇乘VIP的巴士, 價錢大約五百港元左右, 唔好話, 都幾舒服咖, 又可以上網, 不過, 就好似有少少危險咁
土耳其這邊的天氣好涼, 只有15至22度, 中午會比較暖些, 因有太陽哂住, 這天便是我們舉行婚禮的日子, 十二點左右才起身的我, 吃了早點便去SET頭化妝, 係我地班姊妹同新娘親身去髮型屋度整, 冇得上門呀, 你睇我以下張相..... 我都唔知佢識唔識咖, 問番我想點整, 我點知啫, 咪新娘化妝囉, 激死我啦, 你估我係你地D外國人咁深輪廓咩, 中國人黎咖, 更係要化到精神D啦, 之後我覺得我個妝仲衰過我以前係香港幫呀媽落街買豉油
個樣, 嗰度D頭真係SET得唔好, 完全唔係PROFESSIONAL, 我要搵番我個香港化妝師呀
.........
個化妝攪到成四點幾, 我先至返去女家換衫, 女家?? 其實係我奶奶個大佬屋企當我外家囉...... 你地睇下我個頭同個妝??? 完全樣衰到爆燈%#&*X%^Z 隔離0靚妹個頭仲靚過我,,,,,,,
其實佢地土耳其接新娘同香港冇分別, 只是有少少唔同, 都係要去接新娘返男家, 遊大圈, 不過, 有少少特別係, 當新郎接左新娘入花車之後, 隨之在場每人唸經, 不過我唔知佢地講咩, 大概是祝福一對新人吧, 唸大概三十秒啦, 每人雙手要手心向天, 合眼口中唸著, 不只車內人, 是指所有包括車外D人都要唸,.....之後, 花車便開始圍著個MERZIFON遊一圍, 後面全部還有D親戚上其他車跟住, 會一部部車咁一齊遊, 大概有廿部車啦, 還會不斷響安, 一定全條村都知你結婚, 仲有, 沿途如果D小朋友知你們結婚, 就會衝出黎, 阻住你行, 因為佢地要攞利是, 咁司機隔離便有位姊妹或兄弟入定D利是, 一有小朋友黎, 便將利是飛出車外, 咁佢地先比我地行, 不過, 佢地D利是係用普通白信封 入D利是.
下午五點半左右. 這個時候, MEMET已和成班兄弟乘車來到女家接我, 仲好似香港咁比開門利是先可以接新娘,
唔講唔知, 原本所有車都是排隊等遊街咖, 
我出門啦! 影張相先, 場面好似第一夫人出巡咁, 沿路好多人呀!!!
終於返到男家啦, 你地見唔見到以下張相有個人打鼓及吹笛呀, 佢地由早上打要現家啦, 都成日啦, 呀叔, 你累唔累呀??
這時候, 我地仲係架車入面, 佢地要劏雞先, 要用血...... 總之係習俗啦
, 之後先可以準落車,,,,,,
之後成七點鐘便開始食野, 呢度係間屋嘅後園, 都擺左五行這樣大的枱. 都唔夠位坐, 仲要開埋出面行人路,.......
這裡便是出面行人路啦, 淨係喱張長枱都有四間屋咁長, 去到尾......
<續.....>
2008年09月30日
10月1日便是我們便要進行在土耳其的婚禮, 而這晚便要做一些小儀式, 便是HANNA NIGHT, 何謂HANNA,是在手上畫上各式各樣的圖案, 代表家中有人結婚或喜慶事, 這天晚上很多土耳其親戚來訪, 他們各人都一齊畫上不同的圖案, 而這些圖案畫上後便等一個鐘左右才乾涸, 之後便像紋了TATOO一樣咁型, 而HANNA是用一些綠色的粉加水攪拌而成, 像一些面粉加了水後, 攪拌到有少少膠著狀態的時候, 之後便用牙簽點些來畫在手中, 以下圖片便是一筆一筆畫上去, 那晚非常之熱鬧.
右邊第二位,坐在我隔離的便是MEMET細妹, 她是幫我畫上一些花之圖案
看到了嗎? 我手上已有少少圖案出現了.
而在小朋友身旁的那個銀色兜的, 便是HANNA啦!
這個小朋友好靚仔,是MEMET的親戚個仔,
這位小女孩都是MEMET的親戚個女, 她左手已畫了圖案了, HANNA乾涸後, 便去沖洗, 沖洗後便出現少少啡色圖案在手上, 如果要擦掉, 便要等三四天才退去, 如不去沖洗, 逗留手上時間越耐, 顏色便會越深色.
都成晚上十一點幾, 佢地仲好開心咁係度飲飽食醉,生活像無優無慮.
另外, 因為我們只在家裹進行婚禮, 所以我們各人都預備明晚之晚宴, 所以我都幫手做菜, 但原來起碼要預成100人的食物, HOW TO PREPARE??
２００８年９月２２日晚上
不斷有朋友同我地兩個出去食飯，想唔肥都難，今次係當晚婚宴的兩位ＭＣ，ＶＩＶＩＡＮ和ＷＩＮＫＩ，另外ＶＩＶＩＡＮ先生都有出黎，我地去食韓燒，仲係勁好味嗰隻，而家諗起都想即刻去食。
影張合照先，咁多位！呀姐，唔係叫你呀
好野，可以影啦，唔該！！
你睇我，，，勁食一排，手瓜都不自覺脹了，，，
傻傻地的ＷＩＮＫＩ啦！！佢同我一樣咁高咁可人啫！！
ＶＩＶＩＡＮ同她ＨＯＮＥＹ（腳立），ＯＨ！ＳＯＲＲＹ係國立至真，
因ＭＥＭＥＴ勁鍾意甜品，所以點了兩款一黑一白的甜品比佢食
白雪雪椰汁糕
黑麻麻涼粉
ＭＥＭＥＴ問點解香港人咁鍾意食肉，其實土耳其人都食咖啦，不過佢同我都是多菜少肉嘅人，
佢至驚嘅海鮮。。
ＭＥＭＥＴ至驚嘅鳳爪，佢話呢個係用黎行路，好ＤＩＲＴＹ！！點食得入口！！
內藏佢都至怕！！
但佢又好鍾意呢碗人蔘湯
你睇ＷＩＮＫＩ便知啦，，，
......MEMET叫我be strong, dont cry in front of family, 入閘前我真的忍著眼淚去跟屋企人揮手.....保重呀!!!