上次提過有關土耳其茶, 如果你唔喜歡紅茶, 那麼等我介紹另外一隻飲品比你地啦, 你可以喺D普通茶檔都搵到, 個名叫做ORALET, 其實係橙汁
, 好似香港用D橙粉加熱水沖出黎, 好好飲架, 因為甜甜地, 佢地依然會提供兩粒糖比你, 等你甜到入心.
喱張單據可以比你睇到平時出去飲野, 可以有幾多款比你選擇, 你會見到Çay - Oralet是同一行, 即係話價錢一樣, 睇你似幾多, 好多時我最少都會飲兩杯先夠喉
......其他係咩野黎??等你地估吓啦, 其中有D字係曾經介紹過咖
嗱! 橙色個樽就係可以沖成ORALET啦! 而你見到佢寫PORTAKAL即係橙(Orange)咁解, 而隔離個樽係檸檬味, 都好好飲架!! LIMON = LEMON咁解, 呢兩樽相片都係喺我屋企影架, 可想而知, 我幾鍾意飲啦, 都差不多飲完啦, 又要去入貨啦!!!
另外, 點解佢地D杯咁細杯同葫蘆型, 其一係當你飲完之前, D溫度都唔會凍得幾多, 完全要客人飲完係有溫暖嘅感覺, 其二係杯身像女人身型,就好似可樂咁樣, 係人都會望, 哈哈..... 其實唔知啱唔啱架!!!!!!! 
