一月八日下午,之後我同Ginnie吃了午飯嘆完杯蘋果茶後, 便行去Sultan ahmet的景點逛逛, 這周圍都是廟宇, 這邊是蘇菲亞教堂, (是要付入場費事), 今天景色怡人, 令我即時拍個照留念!! 但是我們沒有入去參觀, 諗住遲兩天再來參觀!!
而身後便是藍色清僧寺(免費參觀), 在背著陽光拍照, 完全可以拍出另一番景色!!
之後, 便沿Sultanahmet 's Tramway行去Eminönü, 去到碼頭附近, 就見到小賣檔有煎魚包(Balık ekmek)賣, 其實剛剛吃了午餐, 只是二十分鐘前的事, 我們便好為食想去試試是什麼味道, Ginnie仲話請我食, 大家share一個包, 都好, 起碼唔駛咁飽!!
其實一個包好大個, 我地每人一半, 一半已經相等我地一隻手掌咁大了, 這個煎魚包(Balık ekmek), 只賣4lira即相等港幣20元左右, 我諗平時D人可能就咁食佢當午餐, 因為真係好大個咖!!
裡面有一塊煎香嘅魚肉, 配上新鮮洋蔥, 青綠生菜絲及紅潤蕃茄片, 再加上少許酸酸的檸檬汁便成這個好出名的煎魚包啦, 做法非常之簡單, 但超多人買, 對我來說, 味道普通, 可能我對魚腥味麻麻地,而Ginnie就覺得唔錯, 我個人認為, 如果佢地可以加美味嘅沙律醬或鮮甜嘅旦黃醬, 效果會更好, 更美味, 不過, 可能佢地就係喜歡這種鮮味吧!!
我們便站在小賣榴旁, 看著海邊景色, 嘆完這個有少少腥味的煎魚包啦!! 果然好有地道風味吓
!!
**************************************************************
Balık = Fish 魚 (音: Ba-Lak)
Ekmek = Bread 包(音: Ek-mek)
