土耳其的禮物月(gift month)

呢幾個星期, 超級開心, 皆因是我的禮物月, 因為我收到好多禮物呀!! 點解? 嘻嘻, 我人緣好呀嗎!! 哈哈, 飽死, 其實係咁嘅, 一來有朋友寄包裹比我, 二來有朋自遠方來吖嗎!! 個包裹係GINNIE寄比我, 佢曾經在今年一月黎嗰個朋友呢, 佢一番到香港便開始寄呢個郵包比我, 但寄到現在才收到呢!! 土耳其政府真係呀, 等D包裹黎救命就死啦, 成三個幾月先收到, 唔好話, 聖誕節時, 有班朋友寄張聖誕咭比我, 香港郵局話空郵一至兩星期便收到, 但我在新年先收到囉!!

GINNIE, 多謝你呀!! 佢知我好難在土耳其搵到D整TIRAMISU嘅材料, 佢好有心咁寄D材料比我, 其實土耳其係有得賣嘅, 不過, 我要一次買大量囉, 唔似香港咁, 一包包細細包已經預備好, 買幾多用幾多, 幾好呀!! 今次佢寄了好多野呀!! 當我打開個郵包時, 嘩!! 不知超開心呀!! 你地一齊黎睇吓!!!

有公仔麵啦, 有成十五包咁多呀!! 有排食啦!!

TIRAMISU材料啦, 辣椒醬啦, 甜奶啦, RUM酒啦, 哈哈!!

我收到果晚, 即刻同MEMET整左香腸蛋出前一丁囉, 超級好味, 同超懷念囉!!

之後, 上星期五晚, 有位BLOG友JAC, 專程來到土耳其見佢靚仔男友, 便相約了她在TAKSIM見面, JAC佢好似一個公仔咁, 超可愛!! 不過, 佢已經來了成個星期, 是當日才返來ISTANBUL, 佢好有心咁仲專程約我出來, 仲要等我放工才見面呢!! 我地仲去左一間甜品屋食甜品!! 不過, 埋單時, JAC仲同我爭住黎比, 攬到我又食又有禮物, 幾唔好意思呀, JAC, 多謝哂, 下次我嘅! 唔好再同我爭埋單啦!!

呢個係JAC個男友嘅SISTER介紹我地食, 叫做tavuk göğsü, 個中文解釋好得意, 叫做"雞胸", 入面係冇雞咖, 不過, 點解叫"雞胸", 就真係唔知喎, 只知道好似燸米, 在面加了月桂粉, 口感就像燸米糰, LIM LIM地, 唔會太甜, 幾好食咖!!

另外一個, SORRY!! 我唔記得個名, 不過, 外層是像朱古力, 入面是像雪糕和蛋糕的, 口感都唔錯咖!! 如果下次知道個名, 就話你地知啦!! 你地有冇人知道呢個叫咩名呀??

JAC仲帶左包優記嘅芒果乾同出前一丁呀, 哈哈, 正呀!! MEMET超愛芒果乾囉!! 多謝哂!!

嗱!! 我仲有五月粽喎, D粽係由兩位BLOG友帶黎比我咖, 因為佢地剛剛到步果日, 剛剛是香港龍舟日, 所以帶了D粽比我食, 真係多謝哂啦, 不過, 我同佢地影D相在佢地部相機度, 下次先UPLOAD上黎啦, 我仲約了她們在這個星期五食晚飯呀!!

另外一位便是LILY啦, 佢仲黎左我屋企過了一晚TIM, 之後, 佢便去另一個CITY, 不過, 佢只是來土耳其一星期, 唔知星期六會唔會再見呢, 如果係, 又可以一齊同比粽我果兩位妹妹仔一齊食餐飯, 飲杯野啦!!

LILY佢送左支香水比我, 超可愛心!! 多謝你呀, LILY!! 希望你生活愉快!!

MEMET仲好有心機咁影左相, 超靚囉!!

咁你地話啦, 呢排係唔係我在土耳其的禮物月吖!!

土耳其的士多啤梨

土耳其有D生果好出名, 例如蘋果, 在MEMET出生的地方AMASYA便是土耳其出產蘋果最出名, 如果買蘋果指明要AMASYA出產, 價錢可能會貴成倍, MEMET話真係比其他城市出產的蘋果相比之下, 係勁好味, 又勁多汁, MEMET話可能由細到大, 佢都食慣了AMASYA的蘋果, 絕不能會再食其他果D. 如果你問我係咪真係有唔同, SORRY, 我答唔到你, 皆因我好少食蘋果, 就算係香港都好少食, 要食, 就只食爽果D, 粉嘅蘋果咪攪我, 最好仲係青蘋果, 貪佢酸酸地, 最鍾意呢種感覺!!

如果你問我土耳其有咩生果推介, 在春天呢個時間, 我會推介士多啤梨, 夏天便會是車厘子, 土耳其有樣好, D士多啤梨勁便宜, 只是這樣咋, 其他野勁貴囉!! 可能佢地本身有種植的關係, 又大粒又甜, 大粒的價錢只是3-4LIRA一公斤, 即係為港幣15-20蚊兩磅幾, 細粒的價錢是2LIRA一公斤, 即10蚊就有兩磅幾, 我同MEMET現在平均一星期有三日都買士多啤梨做飯後果, 超正!! 我諗番在香港時, D士多啤梨最平都要廿幾三十蚊一磅囉, 完全唔捨得買, 超貴!!

呢度只是3.5LIRA一公斤, 嘩!! 超多囉!!

映埋D, 幾大粒!!

再映埋D, 係咪好想食呢!! NO WAY, 想食自己買啦!!

你地睇吓呢粒, 似唔似一個肥婆對腳同PAD PAD 呀?!

MEMET最鍾意點呢D糖粉食, 我就唔慣囉, 可能香港人關係, 我唔會點黎食, 不過, 我曾經去過台灣, D台灣人又係好鍾意點呢D糖粉食, 係, 點完黎食, 係甜D, 不過, 我覺得D糖粉蓋哂D士多啤梨嘅本身味道, 完全冇哂本身鮮甜味道, 你地又會唔會點黎食咖?

嘩, MEMET將D士多啤梨切哂D頭, 慢慢拮黎食, 我地仲買左澳洲啤梨呀, 又係超甜超好味囉!!

===============================================
çilek (strawsberry) (音: chi-lek)
Armut (Pear) (音:Ar-mut)
Meyve (Fruit) (音: Mey-ve)
===============================================

土耳其的星期日市場(Pazar)

呢兩星期開始了工作, 有新的生活, 但沒有時間寫BLOG, 比D BLOG友話我懶TIM. 其實我都好想寫呀, 不過, 真係抽唔到時間, 皆因一早起身便返工, 至到晚上八時才回到家, 再休息十五分鐘, 便要同MEMET一齊預備晚飯, 大家食完都成晚上十點啦, 連電腦有時都冇開, 就要預備沖涼訓覺啦, 邊到有時間寫BLOG呀, 所以千祈唔好話我懶呀!!

難得星期日放假, 又要同MEMET出去買餸, 呢度其實唔同香港日日有街市, 好多時都係買哂一星期嘅餸, 如果平時沒有餸, 只可以去超市買, D超市真係貴過人, 仲要等佢有特價時先買, 真係等到頸都長埋, 所以, 要買D平野, 便要去PAZAR啦..... 其實價錢普通平啦, 都唔係太平, 不過比超市平少少咁啦, 呢種街市叫做星期日市場PAZAR, 只開星期日, 一星期只開一次, 所以, 我倆便會去PAZAR逛吓, 睇吓有咩筍野執啦!!

呢個便是PAZAR啦, 每個地區都有一兩個PAZAR開, 其實D PAZAR是在一條長長嘅街上擺檔, 如果要由頭行到尾, 嘜都唔睇, 都可以行你十分鐘長, 可想而知, 都幾多人擺檔, 咩野都有, 好似成條花園街加女人街咁, 有日用品, 生果, 蔬菜, 肉類, 衣服鞋襪樣樣有, 任君選購

佢地有D人專係在早上便有人去弄D帳篷, 之後, D檔口便會續一開檔, 非常熱鬧!!

你地睇下D人都買到一抽二抽!!

有D連麵包都有得買, 呢種麵包超出名, 叫做Simit,  但在Izmir城市, 會叫佢做Gevrek. 問MEMET點解, 佢都話唔知點解喎...... 有時我覺得我老公究竟係唔係土耳其人, 咩都唔知土耳其D野!!! 呢個包, 表面係有芝麻的, 硬硬的, 不過, 裡面就好軟, MEMET話個包硬先叫做新鮮, 唔硬D人唔會買, 同埋D 人鍾意買番屋企後, 切開加芝士黎食, 都唔錯咖!!

你地睇吓D蕃茄幾紅, 我發現香港果D蕃茄係唔夠紅, 同好酸, 但呢度D蕃茄比較甜!!

講時講, 我覺得香港街市多野賣過呢度, 土耳其黎黎去去都係蕃茄蛋, 青椒, 青瓜, 菠菜.... 真係唔係多樣化

講番今朝早餐, 我要讚吓我ＨＯＮＥＹ，皆因MEMET又整左個心型蛋比我送麵包, 嘻嘻, 真係唔係好舒得食左佢, 好鬼靚！！佢都整得唔錯咖!!

===============================================
Pazar (market) (音 : Pa-zar)
Simit (sesame bread) (音 : Sim-mit)
===============================================

土耳其首宗H1N1 (Domuz Gribi)

今日土耳其終於出現首宗H1N1(Domuz Gribi)啦!! 好驚呀!! 果個人原來是由美國來土耳其轉機番去伊拉克, 在土耳其伊斯坦堡機場轉機時比體溫探測器測到有發燒, 都唔知係好彩定唔好彩!! 好彩係在機場入面發現, 唔係在土耳其國內發生, 唔好彩係佢要入黎伊斯坦堡入住醫院, 唉!! 呢個人本身係伊拉克人士, 有美國護照, 但呢個人同屋企人一齊入境, 一行六人, 要一齊入境檢查........ 希望佢冇事啦, 兼D土耳其醫護人員唔好比佢傳染到啦!!!!!!

現在連D採訪人員都唔比行近間醫院採訪呀!!

但我收到香港D朋友話土耳其有兩宗喎, 唔係麻, 何來也?? 怏D話比我聽呀, 唔該你地!!

==================================
Domuz (Pig / Swine) (音:Dom-muz)
Gribi (Flu) (音:Gee-ri-bi)
Havaalanı (Airport) (音: Ha-va-al-lan-ner)
Hastane (Hospital) (音: Has-tan-ne)
==================================

土耳其BB

話時話, 好多人問我有計劃造人未, 當然有啦, 計劃進行中, 但係, 都仲未有好消息, . 有就公告天下, 你地唔駛同我擔心, 皆因D土耳其BB勁可愛, 因為有個朋友, 在我地結婚時生左一個勁可愛的BB, 而家都有成七八個月啦, 嘩, 原來我結婚都結左咁耐喎!! 時間真係快過得...... 前果排四月幾去佢地屋企, 嘩, 個BB勁得意兼可愛囉!! 你地估吓佢係男仔定係女仔?? (答案在最尾) 佢個名叫Efe (Er-fair)

你地睇吓, 呢張就係我剛剛黎土耳其時, 去佢地屋企同佢影咖, 當然佢得兩三個月咋, 當時個樣冇而家咁得意囉!! D BB真係個樣日日唔同咖!!

呢張就係佢地全家福啦!!你地話似老豆定似呀媽呀? 佢老豆勁攪笑囉, 餐餐影親相都戚眉囉!!

你睇吓佢老豆仲同佢影張相, 攪到個BB對腳變左鴨仔腳!!

我同MEMET即刻抱住BB, 似唔似係我地咖? 不過, 我見過D中國同土耳其混左嘅BB, 個樣都似中國人多囉!!

哈哈, 佢D頭髮成條公仔麵咁, 打圈咖!!佢對眼仲大個我雙眼, 成粒草菇咁, 幣啦, 開口埋口都係野食TIM!! 唔係公仔麵就係草菇!!

我仲走去學人抱BB, 學定先, 唔係咩呀!!

幣, 抱到BB咸TIM, 即刻要去番媽咪到, 點算, 抱吓都唔得, 點學人生BB呀!!

答案: 男仔
======================================================
Bebek (baby) (音: 啤-啤K)
Erkek / Oğlan (boy) (音: Er-kek / Or-lang)
Kız (girl) (音: kiss)