土耳其軟雪糕 (Dondurma)

熱天將近, 應該有好多應季食品出現, 例如: 凍飲品, 凍雪糕, 講時講, 土耳其D軟雪糕都係其中一樣幾出名嘅食品, 非常軟滑, 不過, 我對雪糕呀, 朱古力D野麻麻地, 如果真的要我食雪糕, 咁就麻煩你地帶我去食芝麻或豆腐雪糕, 如果冇, 咁我只好食Hargen Daze的雪糕啦!!

原來, 土耳其雪糕是有兩種, 其中一種像香口膠的感覺, 膠膠的, 我不太喜歡, 就是以下這一種, 如果你們到TAKSIM, 便會見到有好多小型檔口售賣這款雪糕, 大約5LIRA一個, (約廿五元港幣), 不過, 當你們買他們的雪糕時, 佢地有種小玩意跟你們玩玩, 我在想, 就算唔好食, 玩吓都幾得意!!

以下的片段, 便是我兩年前來土耳其時, MEMET叫我走去買雪糕和行埋去影相, 當時, 我完全不知道他們做什麼, 我只傻傻的站在店門前望著MEMET拍照, 點知, 原本比那個人玩我!!


之後, 我買完之後, 食了數啖, 嘩, 又係超甜兼且唔好食, 我便成個比了MEMET食, 頂唔順, 當時, 我仲話比MEMET聽, 點解D人話土耳其D雪糕好味咖? 不過, 他說原來是有兩種雪糕, 可能D人講的是第二種啦!!

那麼, 星期六便同MEMET去左TAKSIM其中一間叫BHU的甜品店食呢款雪糕, 果然超級好味, 有多種唔同味道, 有牛奶味,可可味, 開心果, 焦糖, 黑莓子, 檸檬,.......好多好多味道!!

就是這個啦, 我叫左黑莓子味, 真係好好味, 清清甜甜, 少少酸, 好幼細, 好滑, 你地黎到真的要試試!!

======================================================
Dondurma (Ice-cream) (音 : Don-dur-ma)

Mevsimler (Seasons) (音 : Mev-sim-ler)

Yaz (Summer) (音 : Ya-z)

Sütlü (Milky) (音 : Sut-lu)

Kakaolu (Cacao) (音 : ka-kao-lu)

Antep Fıstıklı (Pistachio) 開心果 (音: An-tep Fish-stik-lew)

Karadutlu (Black Berry) (音: Ka-ra-dut-lu)

Limonlu (Lemon) (音: Lim-mon-lu)

======================================================