土耳其的芝士春卷(Sigara Böreği)

上次曾經介紹過土耳其的芝士春卷(Sigara Böreği), 今次再次介紹, 點解? 皆因, 今次係自己親手做, 以前不嬲都是在超市買盒回家, 都可以分兩餐食, 但之後我老公話其實超易整, 不如試吓自己做, 因佢見過佢媽咪以前做過, 咁我就走去超市望望, 果然比我發現在冷藏櫃有酥皮賣喎(土耳其文叫Yufka, 英文叫 Pastry), 一包酥皮都有成30-40張, 只賣1.50Lira (約港幣7-8元), 嘩, 好抵呀

而碎芝士(Böreklik peynir), 只賣2.50Lira(約港幣13元), 其實唔駛集中攞黎做幾十條芝士卷, 因為一盒實在太多芝士啦, 平時可以攞黎加落D意粉面到, 又可以攞黎炒蛋食, 極多用途, 以我今時今日嘅地位(即煮飯婆), 當然要資慳識儉啦, 係咪!!

材料:
酥皮
碎芝士
少少生粉水/麵粉水/蛋汁

做法:

1) 取出一塊薄薄的酥皮, 本身已切好成三角型, 不過我唔知香港係咩型, 可能係正方型, 無所謂啦, 最後都係卷成一條條狀

2) D芝士係碎成小粒狀, 只需要一匙羹便夠一條芝士卷啦, 出去買一盒果D每條可能最多得四分一匙羹咋, 諗諗吓, 自己蠢左成半年TIM, 心有D不甘

3) 之後, 均勻向橫放落酥皮上

4) 之後, 將左右向內摺, 不讓芝士掉出

5) 跟著便將它卷埋一條將手指段粗的條狀, 其實不需卷得太實, 因為塊酥皮好薄, 好易爛開,

6) 之後, 卷到尾, 點少少生粉水/麵粉水/蛋汁在三角的尾部, (那當然用生粉水/麵粉水比較經濟啦),  咁樣, 就好易黏實

不出, 三四分鐘便卷成十條啦!!

7) 之後, 放落油炸或煎, 不過, 我會落少半油黎半煎炸,

8) 待酥皮變成金黃色便成, 不過, 一定要點原味YOGURT食至最好味!!

非常好味又易整, 只是廿元港幣, 便可以享有超過30條嘅鬆化黃金芝士春卷, 由卷至炸完的時間只需十至廿分鐘, 當然視乎你整幾多條, 因為卷一條都唔駛一分鐘, 真係MEMET話齋, 超級易整, 完全啱哂我呢D又孤寒又要快又要便宜又要好味嘅香港人啦

==================================================
Yufka (Pastry) 酥皮( 音: Yu-f-ka)
Böreklik Peynir (shattered cheese) 碎芝士 (音:Bur-rek-lik Pay-neer)
==================================================
後補:
經網友提醒後, 發覺D 芝士是羊奶芝士feta cheese, 但唔知係唔係, 因我本身唔食羊, 所以有待考究, 但我有查過字典, feta cheese 可以叫做白芝士, 其實, 如果你地做的話, 可以搵D唔會溶嘅芝士, 因為落油炸完, 都唔會溶咖!!

土耳其的同鄉(三)

最近, 從YAHOO BLOG認識到很多BLOG 友都是住在外國的同鄉, 有加拿大, 奧地利, 德國, 法國, 埃及,澳洲......等等. 好多好多, 雖然大家從未見過面, 亦在不同國家, 總帶點親切感, 因為大家都是香港人, 更何況如果在土耳其見到同鄉, 那種感覺完全覺得像是自己的兄弟姊妹.

其中一個BLOG友馬丁, 他每年都會到土耳其工作兩次(以我自己估計), 雖然大家從未見過面, 當每次在MSN中對話, 都有種莫明其妙的親切感, 雖然佢成日"疾"我, 由他處, 我剛剛認識了另一位在土耳其工作的阿NICK, 他是一名厨師, 是煮中菜的, 當我知道他亦在土耳其ISTANBUL工作時, 便在前兩天相約他在TAKSIM見面, 飲杯茶, 食個包.....

由馬丁的BLOG中介紹, NICK是土耳其曹永廉, 寫都唔信, 當然要見見真人才信是否有馬丁寫的咁相似, 嘩...... 真係唔似喎!! 邊個話佢似呀, 等我仲攞埋紙同筆出去, 諗住攞簽名TIM!!  (其實講真, 真係又幾似, 因NICK叫我唔好寫佢似曹X廉!) 在此要同阿NICK講句話:
"嗱, 阿NICK, 我冇講話你似曹X廉架, 我只是話幾咋, 唔好話我呀!  唔關我事咖!!" 幾大有得卸就卸

其實似唔似, 唔好由我講啦, 你地自己睇啦, 不過, 我影相技術相當差, 可能唔係好好, 如果你地真係好想去考究, 咁麻煩你地去馬丁的BLOG中的土耳其曹永廉睇睇D相啦!!

大家坐低傾計, 一傾就傾了兩粒幾鐘, 果然同鄉份外親切,  因為佢平時在工作時間, 冇嘜同人傾計, 加上D土耳其人唔係好識英文(因為佢做間餐館不是在旅遊區), 都唔知可以同邊個傾, 加上工作時工作, 果然敬業樂業喎!! 

你睇我, 好似小FANS咁即刻捉住同佢影相, 等阿NICK番黎土耳其時, 我便再約他同另一位剛剛嫁到黎土耳其的新娘見見面, 都是由YAHOO BLOG到認識的, 原來她結婚那天都是跟我一樣同一日, 又會咁啱嘅, 現在真的發現越來越多香港人在土耳其生活呀!!

再講番阿NICK, 同佢傾了很多有關佢D野, 發覺佢是一個有志向, 勤力, 定性, 無煙無酒, (當然間唔中飲吓啦), 嘻嘻, 仲幾英偉嘅男仔TIM, 完全唔相信他仍是單身, 可能因為在海外工作問題啦, 希望佢可以快D達成理想同快D搵個女朋友啦!! (喂喂, 如果有人想認識佢, 問我啦!! 嘩!! 而家我好似攪到同人做紅娘TIM!!)

==================================================
Tutku (ambition) (音: Tut-ku)
Çalışmak (to work hard) (音: cha-leis-mak)
Yakışıklı (handsome) (音: Ya-kei-sheik-lei)
==================================================

得與失

今天收到一個網友的電郵, 內容是講有關人生"得與失", 想與你們一齊分分享享.可能你們已經見過, 不覺得新奇, 只是覺得, 有些道理, 便想一齊分享, 因為個中寫了我對人生的道理, 不過, 有些我覺得不好的, 我刪去了.............

==============================================

這個世界上所有的事情，總是有得必有失。
愛情能夠給你歡樂，但它同時也給你痛苦；
財富可以給你享受，但它也會帶來苦惱；

成功使你快樂，但是當失敗之後痛苦將變得強烈而無法忍受。

如果你期待某件東西，而你得到了，那是─種快樂。
然而相對地，當你失去的時候也會感受到等量的悲傷。
得到時是八分快樂，失去也會有八分的痛苦，

有人得到了財富，卻可能失去了健康、家庭或感情；
而有人在事業和成就少了三分，
則在生活品質、身體健康或時間自由方面多得到三分。

有些東西看似不公，如果你細想下去，其實是公平的。
有人認為有錢人比較快樂，這是錯的。

─個窮人用幾百塊就能得到的快樂，
等他有錢後，可能要花幾萬塊，
甚至幾十萬才能得到同等的快樂。

當你口味越重，那些東西的口感就越差；
當你錢越多，那些錢的價值就越小；
當你肚子很餓的時候，給你─顆饅頭那是美味，
但當你吃了五顆饅頭，你就會食不知味。

錢太多的人怕被偷被搶；房子太大的怕打掃；
吃太多的怕胖，吃太好又怕死。

即使我們擁有了全世界，我們也只能日食三餐，夜寐─床。
就算你擁有─百張床，你也只能睡─張床；
就算你擁有─千雙鞋，你也只能穿─雙。

就算你可以點上─百道菜，但你能吃多少？
最多就只能撐飽─個胃，不是嗎？

人來到人世本來就是來體驗的，
每個人的財富地位或許有高低之分，
但對快樂和幸福的體會並沒高低之別。
只是有錢人的快樂比較複雜，窮人快樂比較單純，就只是這點差別。

同時擁有幾個男人或女人，
並不會比較單純─個的人還幸福。
當你是快樂時，悲傷便在─旁窺視；
而當你是痛苦時，那隨之而來的就是歡樂。

到了最後，你會發覺，每─樣都配得好好的，
每─種痛苦與快樂，每─樣你所得到的和失去的，
好的與壞的，到了最後，你仔細去算算看，
加加減減之後，那個數字將會是─樣的。

或許有人早─點得到，有些人晚 ─點得到；
有人先失去，有人晚失去。  
有人先得到，有人後得到，有人什麼都沒得到。

先得到的可能先失去，後得到的後失去，沒得到的就不會失去。
所以，人生真的不必太計較，不必刻意去算計，只要去體驗就好。

=========================================================

我來到土耳其生活, 那當然我可以同我HONEY生活, 但不能同屋企人一同生活,

我得到我的時間與空間, 但失去了忙碌的工作,

我可以食到好好味的土耳其菜, 但我食唔到好好味嘅街邊勁辣魚蛋同燒賣

我可以食到紫甘筍, 但我食唔到紫蕃薯

現在房子大了, 真的很怕打掃

..

..

..

有時想想自己的得與失...........對, 人生便是這樣, 何必刻意去計.

那麼你想得到D咩, 而又想失去的咩?

=============================================

edinmek (gain) (音: ed-din-mek)

kaybetmek (loss) (音 :kay-bet-mek)  

 

土耳其另類的外賣速遞

唔知係唔係土耳其可能有地震的機會, 而這樣, 好多住宅都是矮矮的, 又加上地大物博,.... (可唔可以叫"物博"呢? 見人見智啦, 皆因我買唔到出前一丁麵!! 所以, 可以唔算是"物博", 其實土耳其咩都有得買, 咁又唔係我講到嘜都冇, 唔好誤會) 所以, 上樓好多時都是行樓梯的, 那當然, 都有好多高樓大廈, 不過矮的多過高, 不像香港的, 向上發展, 而形成今日的東方之珠。 

現在我的家是住在三樓, 但是不用行樓梯上樓, 皆因這邊是近海, 而地形是斜的, 所以正門是地下, 而露台則是三樓高, 每次回家都不用行樓梯, 啱哂我呢D搭慣LIFT而懶嘅香港人, 夠方便, 由正門行出街, 隔離和對面都是小型便利店同超市, 去買野不需一分鐘便到, 完全附合我呢D快嘅香港人. 而好多住宅都有五六層樓高的,我屋企隔離D HOUSE 仲只得三層高, 如果我有錢, 都好想買呀.

前晚出街時, 當步行回家路段中, 見到有個土耳其女人由四樓用條繩吊個盆落黎樓下, 唔知佢做咩呢? 而樓下左手邊那間是小型地產公司, 而右手邊那間便是小型雜貨店, 問吓MEMET佢做咩事啦, 原本佢係買野, 而個盆入面已經是有錢咖啦, 咁佢地直接大叫同樓下間雜貨店講想買咩, 那麼, 雜貨店職員便好快咁放上食物和找換, 都幾方便吓, 不過, 我覺得好似以前五六十年代的香港, 都是用這樣的方式買野, 而佢大聲叫又好似以前D人叫樓下"珊"水喉咁,好攪笑....

 

那當然, 不是周圍都是這樣, 一些大街便不能見到的, 我黎土耳其咁耐, 都是第一次見, 不過, 我唔知幾時會變到好似佢地咁樣, 係樓上大叫呢? 如果有朝一日, 我好似佢地咁, 相信我已經是一個切切底底的地道土耳其女人啦!! , 唉, 希望唔會啦........不過, 可能有D其他國家都是用這種外賣速遞的方式, 唔知係唔係呢?

珍惜!!

在這兩天, 突然有好多香港人同我傾計, 亦突然咁比左好多回憶我, 令到我同MEMET突然間好想番香港見見屋企人, 食吓香港到地小食, SHOPPING吓, 嘆吓下午茶, 食吓香港甜品.....

唔知係唔係開始有Homesick 呢? 雖然黎左土耳其Istanbul已有半年了, 其實呢度已經同香港差不多, 有好多夜市, 都好方便, 亦開始習慣了這裡的生活, 就是突然在這兩天, 由其在今晚的晚餐中, 我煮了一樣普通到真係好普通嘅菜, 就係腸仔炒蛋!! 就是這個腸仔炒蛋令我更想念屋企人, 由其是媽咪同爸爸, 因為佢地知道我鍾意食蛋, 當然唔係考試食蛋嗰隻啦, , 每次煮飯時都會煎隻蛋比我食, 因為我超鍾意食, 就算新年大時大節, 枱上一定有隻碟仔載住隻煎蛋在我面前, 細佬細妹都知道嗰碟餸是屬於我的. 好似......

我每年舊曆生日, 媽咪都依然會重複地話: "今天是你舊曆生日,不如我烚隻蛋你食呢?"

我便"監介"地說: "媽咪, 我已大個啦, 仲細咩?"  

其實, 我好鍾意媽咪咁樣同我講, 因為我覺得在她心目中, 我依然是她的小朋友, 是她心目中的小女孩, 呀媽話齋: "就算你結了婚, 生了BB, 你都是我心中的小朋友!"

對, 仔女永遠都是父母心中的小朋友, 無論是年紀多大....

突然好掛住屋企人!!

掛住媽咪D餸(由其個煎蛋)...........

掛住爸爸煲嘅湯(雖然無人幫親佢煲嘅湯, 不過, 我一定幫親)...........

掛住三姊妹鬧交時的情況(可能當時真係好嬲).............

掛住同細佬去船河時的情況, 同掛住佢老婆叫我一聲"家姐"的情況........

掛住同KINSON(我細佬個仔仔)出去走廊踢波的情況.......

掛住一家人一邊食飯一邊傾計時的情況, 當時情景真係好嘈吵.........

掛住有時媽咪同爸爸有時鬧交的情況 (可能當時係真係覺得好煩)..........

一切一切, 我都突然好掛住................ 

因為, 以上發生的一切, 都是在我當時的身邊, 但是, 現在........只有我同MEMET兩人在土耳其, 雖然MEMET屋企人都是住在這裡, 但他家人是住在另一個城市, 他都是一年才見一兩次, 所以, 我倆好珍惜同屋企人傾計的時候, 好珍惜現在我倆的生活, 好珍惜每一分每一秒, 你們應該都要好好珍惜同屋企人一起的日子, 無論有多煩, 多問題, 始終都是一家人, 終有解決的時候, 如果分開了異地, 想再一起開心或爭吵都不能啊!!

如果有日我同MEMET番香港住, 我地一定會成日番屋企食飯, 番屋企飲湯, 同屋企人一直嘈'YUEN"巴閉............ 因為我倆都喜歡.......... 

INTERNET雖然令我們更易認識對方, 好快咁同到對方傾計, 是那麼的近, 但當我們要見一個人時, 由一個地方去到另一個地方, 那等待的一分一秒, 好像要等待千年一樣, 那麼的遠!!!

好多謝YAHOO Blog! 同BLOG友們

在昨晚, 2009年3月21日, 星期六, 因HONEY放假, 便同他和朋友一起去了一個展覽會, 是有關水上活動的展覽, 一去便去到晚上七時了, 回家後便開電腦及MSN, 突然收到好多ADD 同有個FRIEND比個MESSAGE我. "快D去睇吓你個BLOG"

我便立刻去看看發生什麼事, WOW.... 平時只有三萬幾的瀏覽數字, 突然去到三十幾萬(係錢就好喇!)... 原來YAHOO介紹我個BLOG.... 一夜之間, 多左成十陪, 果然YAHOO威力無窮, 我在此要多謝YAHOO BLOG一聲, 因為這樣, 我識左好多BLOG友, 又加上, 識左好多原來都同我一樣有異地情緣嘅人, 還有, 我仲識到D香港女仔嫁左比土耳其人TIM.

今天, 我要多謝咁多位BLOG友瀏覽這裡和曾經留言的每一位, 多謝你地嘅祝福同鼓勵!! 現在土耳其氣溫雖然仍是在十度以下, 令到遠在土耳其的我, 也感到這份溫暖, 我倆衷心多謝咁多位!!  

 

 

土耳其的焗薯(Kumpir)

在香港時，不嬲都對薯仔情有獨鍾，例如：薯條，薯仔炆雞翼，薯蓉，蕃茄薯仔湯，，等等。而我Honey都好鍾意食薯仔，最記得佢去香港的時候，呀媽擔心唔知整咩餸比佢食。

呀媽就問我：＂Memet鍾意食咩餸呀？＂

我隨口答：＂是但啦！佢應該咩都食掛，佢都未正式試過廣東菜！同平時屋企食一樣未得囉！＂

呀媽：＂好啦，不過，炒多個薯仔比佢食囉？佢Ｄ鬼佬都係鍾意食薯仔咖啦！如果Ｄ廣東菜唔啱佢食，起碼都仲有個薯仔啱佢食啦！＂呀媽果然照顧周到。

之後，我呀媽仲話：＂原來Memet都幾易養喎，一個薯仔攪掂佢喎！＂比呀媽笑死我

而家喺土耳其都有時係屋企整薯仔食，由其係焗薯，土耳其叫做Kumpir,　非常好味，如果出街食大約6 lira一個餐（約32-35蚊港幣）一個焗薯+一杯茶或汽水，佢地係用D好大個薯仔, 最少都有成6吋大, 其實好易做, 咸料同Pizza一樣, 任你加, 冇咩所謂.

基本材料:

1) 薯仔- 最好有咁大買咁大,

2) 牛油

3) 芝士碎

4) 茄汁

5) 沙律醬(Mayonez)

6) 錫紙

咸料: (任你咩都得, 如果要同土耳其一樣, 咁就同如下所示, 因為我都係咁做)

橄欖切粒,

腸仔(我提議最好切片同煎吓佢),

洋蔥切粒, 甘筍切粒, 青椒切粒, (我提議最好炒吓佢, 加少少鹽兜一兜)

粟米粒

一D青菜沙律

其實仲有好多種咸料, 以上只是介紹一部份，而呢個就係我出街食時影嘅!

做法:

1) 首先, 將D薯仔洗乾淨, 唔駛去皮, 用水煲佢十五分鐘左右, 至後, 取出,

2) 將佢用叉吉下個皮, 因為焗時個薯仔唔會爆開, 之後,

3) 用D橄欖油(或普通油)搽下個皮, 等佢焗時潤D, 唔會乾, 之後,

4) 將D錫紙包住佢, 入焗爐焗45分鐘,用200度

5) OK 之後, 便在中間介開, 將頭尾向內推入, 因為個口會開大D, 方便加餸, 再用刀將入面D薯仔肉攪爛, 變成薯蓉

6) 加牛油及芝士碎, 將之與薯蓉混合（我自己會加好多牛油同芝士，一來自己鍾意食，二來，我喜歡每一啖都有芝士絲，哈哈！）作用是令個薯蓉有味

7) 咁之後, 隨你喜歡加咩咸料在內都得,如上舉例

之後, 在面加上沙律醬同茄汁, 不過, 好多時, 我都係一邊食, 一邊加餸, 一邊加醬汁, 以下, 就係我平時係屋企做嘅成品啦!! 味道同出街食一樣, 成本只是大概港幣十元, 好味同抵食, 所以每個星期都會喺屋企整比HONEY食, 而家我地都唔出街食, 因為自己識整嗎!! 　你地覺得似唔似呀？我自己比自己都有100分，點解滿分？皆因，可以隨時加餸囉！因出街只可以加一次咋！

如果黎土耳其，Taksim有好多店都有得賣，真係直得一試，一個薯仔就可以好飽咖啦！！

===================================================

Kumpir (Baked Potato) (音 : Kum - pir)

Patates (Potato)  (音 : Pat - ta -tes)

Tereyağı (Butter) ( 音: Ter-re-ya-ai)

Peynir (Cheese) ( 音: Pe-ni-ir)

Zeytin (Olive) ( 音: Ze-tin)

Ketçup (Ketchup) ( 音: 同英文一樣)====================================================

 

土耳其的蕃茄炒蛋(Menemen)

土耳其D菜式真係幾好食, 那當然唔夠中國D菜式多樣化, 好似我平時煮餸時, 會加些少糖去調味, 但係土耳其人煮餸是絕對唔會加糖, 佢地會覺得好怪, 好似我老公咁, 佢成日問我點解要加糖呀? 佢仲話D糖應該放在甜品中或在茶中. 又好似佢地食PIZZA咁, 由其PIZZA HUT 嘅PIZZA中係唔會有菠蘿, 因為佢地會覺得怪, D餸入面係唔會甜的, 只有是咸的.

其實我同我HONEY講, 各處鄉村各處例, 而在餸菜方面, 落糖呢樣野, 如果有需要或中國菜, 我會照落, 因為我係香港人, 呀媽教就要聽(冇錯的話),

就例如港式的蕃茄炒蛋, 是有落些少糖的,因為蕃茄可能太酸, 而鹽都要落, 因為要調味, 而其中土耳其有個餸同港式的蕃茄炒蛋差不多, 只是個過程有少許唔同, 咁成個菜就變左. 佢個名叫Menemen, 如果出街食, 你地有D土耳其菜食唔慣, 咁你地可以食吓呢個款式, 好啱港人口味.

材料是:

蕃茄一個或兩個

青椒一條至兩條

蛋三隻至四隻

鹽少許

先落油或牛油落鑊, 下青椒炒至軟身

之後, 落蕃茄, 最好將蕃茄切得細細的

將蕃茄炒至軟身至水水的, 如果覺得唔夠紅或唔夠蕃茄味, 可以落一匙羹茄膏,

之後, 打蛋在面, 加少許鹽調味

當D蛋去度半熟時, 可以將蛋黃輕輕弄爛, 其實出街食, 有D人照用全蛋, 不過, 我HONEY喜歡將蛋黃弄破,

因為蕃茄煮時已經水水的, 便要等它與蛋黃結合,

其實呢個已經是完全圖了!!!!

因為這幅圖有D蛋我煮得熟左少少, 不過食時, 有D蛋黃都有半生熟, 好好味, 而土耳其人係用黎送麵包食, D包係好似D法式包, 或是, 港式的硬豬包咁, 真係唔錯, 你地都可以在香港試試煮吧!!! 

=======================================================

Menemem (音:Men-ne-men)

Domates(Tomato)(音:Do-ma-tes)

Biber (Pepper)(音:Bi-ber)

Yumurta(Egg)(音:Yu-mur-ta)

Tuz(Salt) (音:Tus-z)

=======================================================