土耳其新娘 Turkish Bride: ● 土耳其

顯示包含「● 土耳其」標籤的文章。顯示所有文章

星期六, 1月 22, 2011

我的身份已經三級跳

由2008年開始寫呢個BLOG, 當時開始計劃結婚, 想將一切嘅事記錄低, 所以改左個BLOG名為"土耳其新娘", 之後, 去左土耳其時, 都想改個BLOG名為"土耳其C9", 但自己諗吓, 都係新婚第一年啫, 無理由即刻變做C9咖, 起碼都過幾年後啦, 咁就由得自己依然做住"新娘"先啦

, 點知, 一到第二年便有左Daphne, 依家諗諗吓, 不如改左個名去啦, 哈哈, 各位, 我個新名係"土耳其媽媽"啦!!

2008 "土耳其新娘"

2009 "土耳其C9"

2010 "土耳其媽媽"

我個身份已經三級跳啦, 我諗"土耳其媽媽"都起碼最少做十八年啩, 之後先至做"土耳其奶奶/外母"啦!!

我剛剛有新FB呀, 有興趣成為FB之好友啦!!

星期日, 1月 02, 2011

Daphne 的第一個香港好朋友(2m2W)

聖誕節同班老死開趴地, 又打邊爐又交換禮物, 已經有兩年冇享受香港濃厚的聖誕氣氛, 但是, 自從Daphne出世後, 佢又太細個, 當然唔可以話去邊就去邊, 一係唔去街, 一去親街就好似搬屋咁, 左一袋右一袋, 根本無法去shopping買東西, 因為無手挽.

今次party去個朋友屋企到, 而Daphne認識了大佢四個月的小朋友滺滺, 一見面就走去錫人地面珠仔, 嚇到滺滺都唔知點好, 皆因滺滺送左個頭"Cool"比Daphne, 就是現在Daphne戴緊粉紅色呢個頭"Cool"囉!!

做咩兩個個樣咁愁呀??

轉個頭, 兩個小朋友眼仔碌碌!!

可能知道滺滺係佢在香港的第一個朋友仔.

其實Daphne一戴呢個頭"Cool", 個樣即時變得超攪笑!!

想話比大家聽, Daphne的真髮型是"火雲邪神"或"超級撒人", D頭髮樹直咖!!你地可以睇番上面第二張相, 佢戴左個頭"Cool", 個頂D頭髮長左出黎, 個頭"Cool"D假髮又曲, 超攪笑!!

另外, 我好開心, 因為佢自己已經識得拎住D玩具啦!!

黎個比較含情脈脈的微笑!!

D朋友話戴左呢個頭"Cool", 成個鬼妹仔咁!!

嘩, 條脷仔D奶漬勁多, 已經有幫佢清潔, 都唔得!!

一個就黎想咸又怕羞嘅樣!! 因為扭訓覺.

真實的髮型, "超級撒人"即刻要訓覺.

星期三, 7月 29, 2009

大大話話有成廿日冇寫BLOG, 在這廿日裡面, 發生了好多障礙, 例如, INTERNET斷左成十日, 跟住上唔夠一日網, 部電腦就死左, 要比人維修, 都攪左幾日, 跟住, 又接左公司PROJECT, 番左屋企仲要再做成晚, 要一個月內趕好, 晚晚開夜車, 現在先做左一星期, 仲有排忙, 想想吓, 原來成三星期冇上過YAHOO啦!! 幾忙都好, 今日一定要寫番篇BLOG, 休息吓先!!!

現在做了這間公司已兩個月啦, 起初真係好LONELY, 雖然D同事幾NICE吓, 講到要講真心話都幾難有死黨, 現在識了一位女仔, 佢黎自巴西, 並不是土耳其人, 佢叫做 Luciane, 點解會同佢FRIEND, 皆因我地兩個都係土耳其新娘囉!! 有好多野都同佢有共通點, 例如: 以前大家都曾經做過FINANCE 啦, 佢老公同我老公個first name都係叫MEMET啦, 我地兩個都係土象星座啦, 佢同我一樣都係好鍾意食豬肉同雞腳, 哈哈, 因為D土耳其人係唔食呢兩樣野吖嗎!!

佢入呢間公司早我三個月咖, 可以叫做師姐, 所以同佢好似情同姊妹咁囉!! 成日LUNCH都貼作一齊食飯, 有時講吓公司是非啦!!

平時公司包午餐, 都好豐富咖, 超碼自己唔駛諗食咩, 只去排隊攞便可, 我計過啦, 如果出街食起碼要成七八蚊LIRA一餐啦, 唔包野飲喎, 包埋成十蚊咖, 差不多港幣五十蚊一餐, 一星期有成六日咖, 都慳咖少錢!! 飲品任你飲, 當然一定有土耳其茶啦, NESCAFE咖啡啦, 可樂啦(不過可樂星期五先至有得供應)

好似上一張相咁, 又有沙律供應, 任你食幾多都得, 有個自助沙律吧, 好似PIZZA HUT咁咖,那當然不會有菠蘿啦, 一般都是青瓜, 蕃茄, 甘筍, 紫椰菜, 生菜絲, 一般雜菜, 因為土耳其人都幾重視蔬果, 有時仲有生果任食, 真係驚你餓親咁~~

呢次係土耳其最出名的DÖNER, 轉轉下果D呢, 係燒雞黎, 憑星期五便有供應, 呢個星期係雞, 咁下個星期便是牛, 唔知點解, 我超鍾意呢個厨師煮嘅肉, 一D穌嘅肉味都冇, 話時話, 我出街食果D肉就唔食得, 因為我對肉好敏感, 一有D穌嘅肉味我就想嘔, 以前在香港時都係咁, 起初仲驚自己唔食得呢間公司D午餐, 但佢煮D野超好味, 所以食到得我現在肥C大隻啦!!