土耳其新娘 Turkish Bride: 2011

星期三, 8月 24, 2011

星期日, 6月 26, 2011

星期四, 2月 10, 2011

土耳其爸爸在土耳其時曾當過新聞報導員, 旁述, DJ....有關聲音的工作都曾接觸, 那當然他的土耳其語的音調是非常純正, 沒有懶音, 我曾問他為何會當這類型工作, 他說道, 在他小學的時候, 有位啟蒙老師曾召他到教務室, 向他說道, 他的聲調比同年齡或高中或大人的語音更標準, 他要好好保護這得天獨厚的這方面發展, .... 就是這樣, 土耳其爸爸一讀完高中, 便急急的去一間電台自薦, 一見便成功,

那麼, 他便開始做有關聲音的工作.

現在, 他來到了香港, 我有些朋友都說他的英文音標純正, 很易聽, 不像一些美國或蘇格蘭的口音重, 而朋友都異口同聲說, 現在香港沒有人任教土耳其語, 反而台灣會有專業土耳其語學校, 可能在港教土耳其語, 都可能會有市場.

現在, 土耳其爸爸已開始準備一些教材, 是供給一些人士想學土耳其語的:

1) 趣味土耳其語(Just for Travel)
-採用另類教土耳其語方法，用英文拼音或廣東話拼音教授實用性強的字母及短句，配合旅遊小貼士，務求在旅程中能表達所想，增加旅行時的樂趣。課程全長16小時, 2小時/堂, 共8堂, 每星期一堂, 用英文授課

2) 土耳其語初階Beginning level
- 將學會全部土耳其語之基本會話、常用詞彙及句型結構。並注重聽聲、發音及記憶等。課程全長40小時, 2小時/堂, 共20堂, 每星期一至兩堂, 用英文授課

3) 土耳其語進階Intermediate level
- 土耳其語初階之延續，進一步加強對土耳其語認識及日常應用。增加土耳其語文法的認識，詞彙庫的建立，提升對土耳其語講讀的能力。課程全長40小時, 2小時/堂, 共20堂,每星期一至兩堂, 用英文授課
如果有興趣之人士, 煩請與我聯絡, Sorry, 請勿怪我在此賣賣廣告, 課程由用英文授課, 如有人想廣東話的, 我都可以一同出席講解的

星期一, 2月 07, 2011

新年FUSION - Taze Fasulye Recipe

首先祝各位新年快樂, 青春常駐, 長搵長有, 心想事成!!

不經不覺, 回來了成大半年了, DAPHNE都已經四個月啦!! 生活一切正常, 食方面對我來說, 去到世界邊度, 我都OK, 因為我係垃圾桶, 咩都可以擺得入口. 但是, 對土耳其爸爸來說, 中國食物麻麻地, 最好餐餐PIZZA同老麥, 呢D食物對中國人來看是沒有益的, 現在對他來說, 便好似我地見到鮑魚, 燕窩咁, 咁好味!!

你地知嗎!! 大年初一, 對中國人來說當然係食齋啦, 但是當日有個奇景, 便是我地一家人當然食齋食蘿蔔糕啦, 而土耳其爸爸同呀法國仔(我細妹的男友), 佢地兩條友仔在枱的另一邊食TOAST鮮油多士, 哈哈, 完全有FUSION感覺, 好得意!!

而我個小姪仔, 都食埋一份, 一食食幾件, 冇佢符.

現在在家中, 土耳其爸爸都會整吓土耳其食物來安撫吓佢自己對土耳其食物的懷念, 好啦, 等我今日介紹吓呢款土耳其菜, 你地都可以在家試試, 唔錯, 幾好味喎!

茄汁四季豆Taze Fasulye

材料(二至四人份量):
一札               四季豆(切段)
半個               洋蔥 (切碎)
一個               蕃茄(切粒)
三匙               茄膏
兩匙               油 / 橄欖油
一兩小粒       蒜頭 (切碎, 可加可不加)
一杯250ml      熱水
少許/一小匙鹽(隨各人口味)
一小匙          辛辣粉(隨各人口味) <-- 特別在此, 因為食下去, 才感覺有土耳其菜的味道

四季豆(切段)

洋蔥 (切碎)

蕃茄(切粒)

辛辣粉(隨各人口味)

煮法:
1) 先下油加熱, 後將洋蔥加入鍋中, 炒至全熟及金黃

2) 再下四季豆入鍋中, 炒至豆變深色,

3) 再下蕃茄入鍋中炒

4)再加入250ML熱水入鍋中

5) 後加三湯匙茄膏

6) 再加入辛辣粉入鍋中, 蓋鍋蓋煲十至十五分鐘, 至蕃茄融化,

7)煲至四季豆已全熟及蕃茄已融化, 而水已收了不少而成汁, 加入鹽, 便成

成品

用另一個角度看看

本身要多汁, 因土耳其人喜歡點長麵包食, 而我自己都喜歡加白飯食, 少少辣, 好好味!! 不防試試, 不過, 自己認為, 可以加少少牛肉碎或豬肉碎, 完全有中土FUSION感覺.

星期六, 1月 22, 2011

我的身份已經三級跳

由2008年開始寫呢個BLOG, 當時開始計劃結婚, 想將一切嘅事記錄低, 所以改左個BLOG名為"土耳其新娘", 之後, 去左土耳其時, 都想改個BLOG名為"土耳其C9", 但自己諗吓, 都係新婚第一年啫, 無理由即刻變做C9咖, 起碼都過幾年後啦, 咁就由得自己依然做住"新娘"先啦

, 點知, 一到第二年便有左Daphne, 依家諗諗吓, 不如改左個名去啦, 哈哈, 各位, 我個新名係"土耳其媽媽"啦!!

2008 "土耳其新娘"

2009 "土耳其C9"

2010 "土耳其媽媽"

我個身份已經三級跳啦, 我諗"土耳其媽媽"都起碼最少做十八年啩, 之後先至做"土耳其奶奶/外母"啦!!

我剛剛有新FB呀, 有興趣成為FB之好友啦!!

星期四, 1月 20, 2011

Daphne剛剛過了一百日(三個月了)

Daphne 剛剛過了一百日, 我們沒有攪什麼百日宴, 只是同Daphne講:"你已大個女啦, 唔再係D小BB啦, 應該懂得怎樣扭計啦....."

真的, 我
已覺得她長大了, 當她獨處時, 她會依依呀呀咕嚕咕嚕, 她會取玩具對住玩具傾計, 她會做半吓sit up因為想學起身, 她會mucuk mucuk吓佢個咀仔想要食野,
她會啜佢隻手仔, 望到人時又show出個招牌笑容

...還有, 食奶奶時隻腳撜到半空表示興奮, 仲開始識得扯起我D頭髮, 嘩, 好Q痛呀, 不過, 好開心呀!!

好快, 唔好話睇人家D小孩大得那麼快,
就連自己都覺得自己個Baby長大了. 回想這一年裡, 由懷孕到現在,
整整一年了, 差不多每樣野都圍繞著她這個小豆釘, 我同Mehmet一講起她,
便不停的對講著, 多有趣!!