my funny baby

原來凡士林可以引BB笑成咁!!

Enjoy it!! 

That's my girl!!

That's my girl now!! 

Daphne剛剛過了一百日(三個月了)

Daphne 剛剛過了一百日, 我們沒有攪什麼百日宴, 只是同Daphne講:"你已大個女啦, 唔再係D小BB啦, 應該懂得怎樣扭計啦....."

真的, 我
已覺得她長大了, 當她獨處時, 她會依依呀呀咕嚕咕嚕, 她會取玩具對住玩具傾計, 她會做半吓sit up因為想學起身, 她會mucuk mucuk吓佢個咀仔想要食野,
她會啜佢隻手仔, 望到人時又show出個招牌笑容...還有, 食奶奶時隻腳撜到半空表示興奮, 仲開始識得扯起我D頭髮, 嘩, 好Q痛呀, 不過, 好開心呀!!

好快, 唔好話睇人家D小孩大得那麼快,
就連自己都覺得自己個Baby長大了. 回想這一年裡, 由懷孕到現在,
整整一年了, 差不多每樣野都圍繞著她這個小豆釘, 我同Mehmet一講起她,
便不停的對講著, 多有趣!!

下面錄左Daphne做sit up的情況:

Daphne 的第一個香港好朋友(2m2W)

聖誕節同班老死開趴地, 又打邊爐又交換禮物, 已經有兩年冇享受香港濃厚的聖誕氣氛, 但是, 自從Daphne出世後, 佢又太細個, 當然唔可以話去邊就去邊, 一係唔去街, 一去親街就好似搬屋咁, 左一袋右一袋, 根本無法去shopping買東西, 因為無手挽. 

今次party去個朋友屋企到, 而Daphne認識了大佢四個月的小朋友滺滺, 一見面就走去錫人地面珠仔, 嚇到滺滺都唔知點好, 皆因滺滺送左個頭"Cool"比Daphne, 就是現在Daphne戴緊粉紅色呢個頭"Cool"囉!!

做咩兩個個樣咁愁呀??

轉個頭, 兩個小朋友眼仔碌碌!! 可能知道滺滺係佢在香港的第一個朋友仔.

其實Daphne一戴呢個頭"Cool", 個樣即時變得超攪笑!!

想話比大家聽, Daphne的真髮型是"火雲邪神"或"超級撒人", D頭髮樹直咖!!你地可以睇番上面第二張相, 佢戴左個頭"Cool", 個頂D頭髮長左出黎, 個頭"Cool"D假髮又曲, 超攪笑!! 另外, 我好開心, 因為佢自己已經識得拎住D玩具啦!!

黎個比較含情脈脈的微笑!!

D朋友話戴左呢個頭"Cool", 成個鬼妹仔咁!!

嘩, 條脷仔D奶漬勁多, 已經有幫佢清潔, 都唔得!!

一個就黎想咸又怕羞嘅樣!! 因為扭訓覺.

真實的髮型, "超級撒人"即刻要訓覺.

是打交?? 還是跳舞??

踏入2011年, 先同各位講聲新年快樂, 身體健康!!

在今天, Daphne已經有85日啦, 約2個月3星期, 大個了很多, 體重有6公斤, 而身高有59.5厘米啦!! 

在Daphne還是個半月時, 佢已開始手舞足蹈, 開始常常Mehmet逗她玩, 佢好似咩都明白和同我地一齊玩, 我覺得而家BB已經唔同以前年代嘅BB, 好似咩野都識咁!! 例如, 好細個便懂得睇電視, 玩電腦, 聽音樂, 有板有眼, 有次見到佢同Mehmet玩得好開心, 好似兩父女喺度打Boxing, 我即時拍低同大家分享吓:

 
係唔係好搞笑呀!! 最攪笑係Daphne睥住Mehmet, 好似一定要打低Mehmet咁!!

有D朋友話佢地兩個似跳舞多過似打交喎!! 

DAPHNE的頭兩個月

時間好快DAPHNE已經兩個多月了, 回想初初她的出現, 第一句在醫院床上同自己講, "呢個BB就是我們的BB呀!你知唔知道爸爸同媽咪等了你好耐啦, 你終於成為了我們的一份子啦!!", 當時個感覺有D奇妙, 有D陌生, 好矛盾!!

講到照顧BB, 真係冇咩經驗, 只是自己細個時照顧過D細妹, 可以話唔係熟手技工,  現在D政府醫院生BB, 順產的話, 數小時後便比番個阿B比自己照顧, 開刀的, 第二日姑娘已經叫我地盡量下床去開始照顧BB咖啦, 例如餵奶啦, 換尿片啦, 都要一一去自己做, 不過, 傷口太痛的, 醫務人員都會拎番個BB出去幫手照顧.

到了開刀第二日, 我真的慢慢起床去下厠所, 行順左便叫姑娘比個BB我, 因為我自己都好想快D掂吓摸吓我的BABY啊, 你知嗎.... 第一次幫BB換尿片時, 個感覺好得意, 有D驚又有D溫馨的感覺, 驚係唔知點換, 溫馨係可以直接觸摸到BB呀!! 那當然是雞手鴨腳啦, 哈哈!!! 跟住, 再抱起BB由頭到尾的凝望著她, 由每一根的髮絲到小小的腳趾, 這小生命帶給我多麼奇妙的感覺, 唔知其他媽咪有沒有我這樣做, 可能你們真的在笑我傻的啊!!!!

之後, 我仲嘗試去餵母乳呀, 因為驚傷口痛, 所以我訓係張床到餵BB, 真係唔知點去餵, 唯有諗番之前上堂時姑娘教過嘅方法去餵啦, 嘩, D感覺超溫馨呀, 一邊餵她, 一邊又一次的看著她, 頭髮, 耳朵, 小口, 眼睛..... 好得意呀, 她是來自我的身體咖, 幻想著她將來可能是一個會串咀的小妹妹呀, 又或者是個很害羞的小女孩啊!!!!

你們看看她的小腳趾, 成隻香蕉仔咁, 多趣緻啊!!

呢張合家相是DAPHNE未夠一個月時, 班舊同事約我出去時影的!!

呢張是我最喜愛的, 當晚在酒樓食飯時, DAPHNE食奶之後, MEMET幫佢掃風時的樣子, 可唔可愛呀!! (未夠一個月)

到第二次出去同另外一班同事食飯時, 又一次見到DAPHNE嘅為食樣!!(未夠一個月)

這張是剛剛夠一個月時影的, 手舞足蹈的叫喊著!!

這張都是剛剛一個月時影, 嗰陣時D皮膚唔係幾好!!

已經個半月了, 已開始幫她練習反身了, 不過只兩三分鐘一次!! 成個"一眉道人"咁

剛剛兩個月了, 開始成個少女樣啦!!

我們的小公主來了!!

回了香港待產都有一段時間, 由八月開始已經等待BB來臨的時刻會怎樣怎樣,  直到預產期九月底都仲未有動靜, 直至十月四日, 要到醫院做催生, 點知.........在醫院等呀等, 一等便等了三天一些動靜都無, 這個小朋友真的有點懶惰, 遲遲都不出來看看這精彩的世界!!

到了十月七日, 醫院方面見到BB的SIZE應是一個巨BB, 所以最後要開刀取BB出黎呀!! 好緊張呀!! 麻醉師來到的時候, 說我的血小板數字不太理想, 本可以半身麻醉開刀, 但最後要全身麻醉呀, 不可以直接看到BB出世的一刻, 有點不開心啊!! 不過, MEMET應該可以看到BB先過我喎, 因為他在門口等緊我倆的消息, 就像人家拍戲一樣, 那麼緊張啊!!

當護士在手術室叫醒我的時候, 我在半夢半醒有點知覺問了他們好多問題:

"BB健唔健康呀?"

"BB係唔係女仔黎咖?"

"有冇比BB我的先生睇呀?"

"BB有幾重呀?"

事後我回想了自己, 真係有點煩啊!!  唔知答我嗰位姑娘有冇覺得呢?

我們這位小公主終於出世了!! 足足遲了半個月呀 小懶豬!!!! 佢個名叫Daphne.

這張相是剛剛出世, 沖完涼之後的第一張照片啊! 勁多頭髮呀!!

來正面一張相吧!  哈哈, 好似識笑咁喎!! 成個男仔咁

這張是第五日影的!!

這張已是兩星期後的照片了!!  樣子現在多少女啊!!