上個星期尾, MEMET有位成十年都冇見嘅朋友, 由ANKARA黎了ISTANBUL傾生意, 便CALL了MEMET出去食飯飲野, 去到TAKSIM另外一邊尾的地方, 又是佈滿酒吧餐廳, 多人多到嘔, 又話經濟低迷, D人未又係出街飲飲食食
......, 我地去到一間餐廳見他們, 一行有五人, 而當晚, 我認識了一位土耳其女仔, 佢話好想飲酒, 其實在餐前, 我們已經飲了兩支白酒, 之後, 佢仲話想飲土耳其特產的白酒, 當時, 已經冇咩人肯彩佢, 咁我見大家第一次見面, 死就死啦(皆因我唔識飲酒), 我話我陪佢飲, 我們便叫了兩杯土耳其特產的白酒。
土耳其有好多人都好鍾意飲酒, 無論男女都非常喜愛, 所以酒吧開到成行成市, 而土耳其特產的白酒, 叫做Yeni Rakı, 佢本身是奶白色, 像奶水一樣，如果你叫一杯RAKI, 侍應會倒兩橫指的份量在杯中, 飲時加白開水至滿, 不過, 佢地會附上多一杯水比你, 因為可能有些人要加多些水來溝稀濃度, 講時講, 我本身唔係識飲酒, 我真係唔係好識講酒經, 對我黎講,Yeni Rakı 好似中國燒酒,
因為白白地色。
土耳其人飲呢隻酒時, 係會食埋好多野黎送, 例如, 蜜瓜, 西瓜, 白芝士, 菜, 雜菜沙律等等, 問MEMET點解, 佢話佢地唔係飲呢D酒來醉, 是同朋友傾計時飲, 一邊傾, 一邊飲, 一邊食水果或菜, 加白芝士, 個口感同味覺都好正喎! 嘩, 比佢咁講, 我完全冇得回應, 因為我唔飲酒, 邊到去到呢D境界呀, 唯有係係係, 咁回答佢囉!!
仲有, 有樣好攪笑嘅野, 就是, 佢地土耳其人會叫呢隻酒做Aslan Şüyü, Aslan叫做獅子, 而 Şüyü叫做奶, 即是獅子奶, 佢地話D酒白白地色, 好似獅子奶, 假如, 我地同侍應講, 要一杯Aslan Şüyü. D 侍應便會比Yeni Rakı你咖啦, 咁都得!!
你地睇我飲到, 飲到面紅紅, 仲有D醉醉地TIM, 呢種酒飲吓去, 都OK啦, 唔係太難入喉, 可能一邊飲, 一邊食小食, 所以好快便飲了成杯, 仲開始有D暈暈地TIM. OH MY GOD, 點番屋企呀??
我地叫左好多小食黎送酒, 不過, 我真係醉到唔記得影相, 只是記得影呢碟炸魚咋!!
皆因我有少少醉醉地, MEMET便幫我叫左杯土耳其咖啡來解酒, 土耳其人如果要解酒, 好多時都會飲番杯土耳其咖啡來解酒氣, 佢地話可以Refresh my mind喎!!
個杯仔細細, 有濃濃的咖啡香, 果然可以解到我D酒氣喎!!
飲後, 佢地仲同我玩左土耳其咖啡占卜, 佢地話好靈驗, 可以講到將會發生的事情, 可能是數月或數星期內嘅事, 等我下次個BLOG再解釋土耳其咖啡占卜嘅野比你地聽啦!!
佢地係睇杯內的紋來看將來的事情, 蠻有趣啊!!
還有看埋碟內的咖啡來看占卜咖!!
因為每個人飲完後都有不同的紋, 所以出來的東西都有不同!!
你地睇吓, 個女仔仲幫我睇我將會發生的事情TIM!!
我仲好好奇咁追問他們睇到D野喎!!
仲未介紹, MEMET隔離呢位, 便是成十年冇見嘅朋友啦!!
你睇我, 比佢地講完D占卜, 將會發生D事情, 令到我幾開心呀!! 現在到另一位男仔同呢個女仔睇啦!! 講時講, MEMET曾經幫人睇過, 果然靈驗左, 個朋友仲好多謝MEMET呀!!
=======================================================
Yeni Rakı (Turkish wine) (音: Yen-ni Ra-kı)
Aslan Şüyü (Lion's milk) (音: Ask-lan shu-yu)
Türk Kahvesı (Turkish coffee) (音: Tu-uk Ka-h-ve-si)
Kahve Falı (Turkish coffee fortune-telling) (音: Ka-h-ve Fal-lı)
=======================================================
