4 月1 日整古日, 老公同我出左去Taksim, Kadiköy, Bestias, 周圍行, 當去到Taksim, 我最鍾意去一間叫Koska店去買零食, 因為間店包羅萬有, 有D名唔識講, 但總之有好多細細包嘅土耳其零食, 其實方便D遊客買手信. 而所有零食都是由這間公司自己出品, 佢個牌子信譽好好, 一定有Q嘜保證.
喺入面, 我地足足行左成半句鐘, 先買到, 因為實在太多野睇啦, 又多唔同款式, 都唔知買邊樣野食好, 又要控制自己唔可以買咁多, 你唔好話我係咁, 我老公仲瘋狂, 呢間店內的每一樣零食, 佢都超鍾意, 最好每樣都買一盒,
. 當然唔得啦, 佢可以番到屋企唔停咁係度食咖, 我諗唔駛一陣就會比佢食哂......... 不過, 到最後我地買到兩樣野, 第一樣更係土耳其軟糖啦, 我左手拿住那盒便是, 半kg要成60元港幣呀, (記住, 土耳其係斷每kg標價咖), 而右手拿住那包白色一粒粒, 便是有糖衣包住嘅果仁(Almond candy. 土耳其文係Badem Şekeri), 好似黃色的M&M咁, 唔錯咖, 只賣15元港幣左右, 好好食TIM.
我仲喺店內仲影左幾張相, 呢張係其中一D土耳其軟糖, 有D 果仁同椰絲, 唔錯, 只是每KG13lira(約港幣70元一千克), 唔算貴咖啦!!
而我買呢隻就要成20lira一千克, 約港幣110元一千克, 而我地只買了半kilo, 好好味, 因為我超級鍾意食NUTS.
唔好話我核突, 我咬開一半比大家睇吓入面係點!!
每粒都有好多果仁咖, 如果鍾意食果仁就超喜歡!! 外沾糖霜的橡皮糖
呢包就係杏仁糖, 你地睇, 我們只在乘車途中, 已吃了大半包啦, 幾快就食哂!!
而中心你一粒粒果仁, 表面係有一層糖衣包住, 不過, 如果遇著D果仁炒得過燶, 食落口便有D苦苦地感覺!!
另外, 因土耳其的蘋果茶都好受歡迎, 而我亦影左佢地D相, 其實唔止蘋果茶, 仲有橙茶啦, 檸檬茶啦, 提子茶啦, 士多啤梨茶啦, 但係我只是試過蘋果茶, 其他就唔知正唔正喎
有待考究!!
而我自己就最鍾意青蘋果味道, 所以屋企一定有一包青蘋果茶, 好清香, 熱天飲涷飲加冰仲正!!!
其實仲有好多好多唔同嘅手信, 不過, 問到我, 當然買食得咖啦!!
================================================
Lokum (Turkish delight) 外沾糖霜的橡皮糖 (音: Lok-koom)
kilo (kilogram) 千克 (音: ki-lo)
Badem Şekeri (Almond candy) 杏仁糖 (音: Ba-dem shek-ker-ri)
Elma Çayı (Apple Tea / Green apple Tea) 蘋果茶 (音: El-ma Chay-yi)
================================================
