土耳其雲吞/水餃 (MANTI)

講到食, 我比較精神, 幣啦!!! 成日食, 好易變肥C 9 (即肥太太), . 唔理佢啦!!鬼叫我係香港人咩，最鍾意食咖啦!!! 人人都話, "食為先.. "...... 另外，又可能係星座嘅影響, 我首要要求是好味及超值, 好多時都會用金錢價值去衡量是否與味道相符, 我個人比較吝惜........

喺土耳其我最鍾意食MANTI, 好似意大利雲吞/水餃 , 喺超市買一包只是1.20 - 3.00LIRA(約6元- 15元) 視乎牌子, 一包可以煮兩餐食, 非常抵食及超經濟, 佢裡面有一些肉碎, 哈哈, 其實可能得一兩小粒肉碎, 唔好以為真係似香港D雲吞大大粒, 一口已經可以食十粒八粒了, 有幾細? 看看以下的相片吧!!

你看到啦!!! 只是大約同香港一毛子咁大粒咋,  唔好意思, 身上沒有香港一毛, 只用土耳其10仙吧!!!

首先, 要落水煲大約十分鐘, 煮至軟身, 像意粉一樣, 本身買原包回來時已是硬身, 不需過冷水.

煮好後, 隔水上碟..........

調味方面, 其實有好多種煮法, 不過, 當然我介紹我最喜愛的....之後, 再加蒜頭, 切碎, 毋須將蒜頭煮熟, 便可加入碟中撈一撈........ 然後, 再加YOGHURT(乳酪)原味便可以, 當然要加多D乳酪, 再撈一撈....

之後, 將橄欖油煮熱, 再加茄糕煮一煮, 可加入一些香料, 如PEPPER或味粉...

煮好後, 便倒入之前已預備好嘅雲吞上面, 即成為美味可口之土耳其雲舌/水餃啦!!

唔好意思, 實在太好味啦, 都唔記得影將完成相, 便急急進肚了, 副相只是影一半. 哈哈, 真係好好咪架!!!  講起又流口水了, 好.... 今晚又再煮先..... 我平均每星期都食兩次架.....

其實, 出面街上店舖都有得現成食, 不過, 煮法唔同, 都要成5-6LIRA,只得一小碟,  唔抵,佢冇我煮得咁好味, 加上我個人比較喜歡這個煮法, 可能有美味嘅乳酪, 有我喜歡之蒜頭味, 亦有我喜歡之茄汁味, 酸酸甜甜仲有少少辣......唔好見到以為好油膩, 用橄欖油取代普通食油, 效果已不同了.... 其實, 可能成本已增加了, 但營養價值超好..... 我同MEMET都非常喜歡食, 在家中, 都有五六包存貨了....

到時, 我一定買成箱存貨返香港慢慢食......  

**MANTI (土耳其雲吞/水餃)

== 讀音: MANG - TA, (音其實好似英文MOUNTAIN 咁, 不過, 冇左IN尾)

== 寫法: Mantı .而不是 Manti , 讀音是不同的

== Turish ravioli, dumplings boiled and covered with yoghurt, garlic and tomato sauce

土耳其橙汁(Oralet)

上次提過有關土耳其茶, 如果你唔喜歡紅茶, 那麼等我介紹另外一隻飲品比你地啦, 你可以喺D普通茶檔都搵到, 個名叫做ORALET, 其實係橙汁, 好似香港用D橙粉加熱水沖出黎, 好好飲架, 因為甜甜地, 佢地依然會提供兩粒糖比你, 等你甜到入心.  

喱張單據可以比你睇到平時出去飲野, 可以有幾多款比你選擇, 你會見到Çay - Oralet是同一行, 即係話價錢一樣, 睇你似幾多, 好多時我最少都會飲兩杯先夠喉......其他係咩野黎??等你地估吓啦, 其中有D字係曾經介紹過咖

嗱! 橙色個樽就係可以沖成ORALET啦! 而你見到佢寫PORTAKAL即係橙(Orange)咁解, 而隔離個樽係檸檬味, 都好好飲架!! LIMON = LEMON咁解, 呢兩樽相片都係喺我屋企影架, 可想而知, 我幾鍾意飲啦, 都差不多飲完啦, 又要去入貨啦!!!

另外, 點解佢地D杯咁細杯同葫蘆型, 其一係當你飲完之前, D溫度都唔會凍得幾多, 完全要客人飲完係有溫暖嘅感覺, 其二係杯身像女人身型,就好似可樂咁樣, 係人都會望, 哈哈..... 其實唔知啱唔啱架!!!!!!!

土耳其的同鄉(一)

你知嗎? 我在土耳其第一次認識到同鄉呀!!! 好似好老土, 佢都黎自香港架, 所以咪叫同鄉囉, 我真係好開心, 因為可以喺土耳其講廣東話, 我係土耳其幾個星期裡所接的電話, 所講嘅野, 都不是廣東話, 當我接到Joyce嘅電話, 完全有開心同興奮感覺 , 可以講廣東話喎, 加上MEMET同佢先生都唔知我地講嘜, 哈哈!!

Joyce已經黎左土耳其四年幾啦, 佢嘅土耳其話好掂, 好流利, 我有時都會請教佢, 佢份人好NICE, 佢先生都係, 不過, 佢地唔係住係ISTANBUL, , 如果係的話, 就好, 我地一定可以成日見面, 佢應該可以教我煮土耳其餐, , 今次佢地咁啱過黎ISTANBUL有D野做, 所以, 大家見一見面囉.

我地今次仲喺TAKSIM見面, 去左一間有水煙食嘅地方, 我之前未食過, 覺得好新奇, 其實喺香港都有水煙食, 不過從來唔會去試, 佢話D水煙好過食煙, 健康D, 其實係唔係呢? 即管試吓! 哈, 又幾得意喎, 有好多唔同味道, 阿J 嗰支係薄荷味, 好似真係食薄荷煙咁, 佢先生那支是萍果味, 都幾好, 不過佢話今次支萍果唔夠濃, 如果濃D好味D, 而MEMET那支是蜜瓜味, 完全唔似食緊煙, 你知嗎? 支水煙可以食足幾個鐘頭, 而只是不斷加火入去啡色嘅桶裡面便可以, 都要成十二元里拉一支咖, 成60幾70元港幣一支, 都幾貴!! 不過, 我唔係好識食, 食左有少少咳, 正中話見到同鄉就做左D大鄉理嘅野, 笑死人!!!!!!!!

另外, 佢先生話點解我地影相時要做V字手勢, 好似D組織手勢咁, 係呀! 佢掂知咖, 我同佢講, 呢個手勢大多數係香港人先做咖, 咁先至有我地香港嘅特式, 唔係剩係土耳其先有, 就算失散都認得呢個手勢, 香港勝利!!!!  YEAHHHHHHHHH!!!!!!!

影多張V字POSE先, 死未??

水煙是由中東阿拉伯傳入, 已有百年歷史, 中國也有水煙, 但不及中東國家的可以留傳到這一代, 這是否在於設計問題? 中國的水煙外型不夠中東討好?? 有些國家地方, 食水煙更是炫耀是「潮人」的身份, 不過, 無論吸煙或水煙始終都是對身體有害的, 玩玩無防, 不要過量便可以, 其實我覺得都是商人的把戲, 他們加入不同的生果味道, 只是想招來更多的生意吧了!

 

你睇MEMET吸到個口都唔見左啦!! 哈哈!!

 

***此處並不是教人吸食水煙, 請不要誤會, 只是人生短短在世, 有何不可試試呢? 對嗎?

***土耳其水煙(Nargile)===> 讀: NA-GI-LE

***萍果(ELMA)===> 讀: EL-麻

***蜜瓜(KAVUN)===> 讀: CAR-援

***薄荷(NANE)===> 讀: NA-NE

土耳其茶

如果你問我土耳其有D咩野最出名, 我諗其中一種最出名的便是茶, 因為我而家每天都飲, 我以前仲話阿媽同阿爸, 點解一定要去酒樓飲茶, 可唔可以去茶餐廳飲檸檬茶, 原來是一種文化特式, 香港老一輩可能會去酒樓嘆茶, 而後生一輩會去茶餐廳飲紅茶, 但土耳其人無論由老至幼, 無一個唔會鍾意土耳其茶, 點解呢? 佢地嘅文化係唔係真係咁勁呀??

土耳其茶是屬於紅茶, 帶有少少澀而味濃, 而且加兩粒糖, 當然隨便你加幾多或唔加都得, 起初我覺得有少少怪, 點解要加糖呀? 因為佢本身有少少似中國茶, 所以覺得好新奇, 但諗諗吓, 美國紅茶(即茶餐廳)奶茶都要加糖啦, 有咩咁出奇啫, 又加上入鄉隨俗, 都要加下嘅, 果然加左係好飲好多, 同埋好似可樂咁, 會上癮咖!!

土耳其茶仲有個特式就係必須用一套茶具, 就是一隻小小玻璃杯, 大約一隻食指嘅長度, 一隻小小匙羹和一隻小碟, 你到那兒的茶檔或高級食府, 都是用類似這一系列, 在家裡都是一樣, 這是否叫做風味?? 有客人到必須煮茶給他們, 茶具都必須用小小的, 為何? 每次我煮茶比D客人時, 問佢地, 佢地都好出奇咁甘望住我, 咁MEMET就會話, 用小的便可, 因為平時在家裡, 我每次都是用大杯的, (即平時寫字樓用果D Size呀!) 因為懶咯! 唔想斟黎斟去, 原來佢地嘅文化真係好強烈, D客人真係會評論吓你煮D茶好唔好飲啦, 好彩, 在這七個星期裡面, 我已訓練到點樣為之煮得靚, 有機會, 等我煮D比你地試吓啦!

佢地本身係用兩層壺的, 首先, 加水入下面嗰層, 上層不加任何東西, 要用熱力令上層壺身熱, 水滾之後, 便加茶葉入去上面嗰層, 之後將下層D滾水倒入去, 再煲, 約六至八分鐘, 便成, 咁將上層D茶先倒入1/3 杯, 再加下層D滾水, 就係水滾茶靚嘅土耳其茶啦! 

土耳其人仲有個特式, D茶檔一定小小的, 好似要襯番D茶具咁!!

你看, 人來人往咖, 無論等人, 傾計, 聚舊, 傾生意, 行行吓街, 佢地都會搵間茶檔坐低嘆番兩三杯茶, 價錢由0.5 至2元里拉不等, 要視乎地區, ISTANBUL多數1元一杯, 1 元里拉相等港幣5至6元, 都幾貴!! 

最後, 點解土耳其茶要加糖, 我覺得是土耳其那份熱誠親切, 他們要每位客人飲完之後, 個心都是甜甜暧暧的, 對嗎?

***補充===土耳其茶叫Çay, 讀音: 妻(chay)

<<< 快樂的守則 >>>‏

今天一早收到個朋友的email, 蠻有趣呀! 想跟你們分享一下, 是有關快樂的守則, 我自己本身可以做到八成, 是否不夠快樂? 不是, 而是有時性格驅使, 它說如果每做到一項，快樂便多一些，是否真的快樂些, 便要看看自己是否認同這些守則, 不過, 寫得非常有趣, 你又能做到幾多項呢？

=================================================================

起床後
1. 早上一起身便對著鏡依起棚牙，開心的豬頭炳，幾時也開心過憂鬱小生。
2. 越早起身越好，晏起床的人總好像不大快樂。
3. 無論怎樣忙，一定要食早餐，而且一定要把早餐慢慢歎。一早起來便趕喉趕命， 整天都會有『唔知為乜』的感覺。
4. 大解後才出門。

待人
5. 喜歡你喜歡的人，討厭你討厭的人，待人毋須平等。
6. 告訴你喜歡的人你喜歡他╱ 她。
7. 無關重要的人誤會了你，便由得他們一錯再錯。
8. 無條件為喜歡的人辦事。
9. 無端白事送件禮物給自己喜歡的人。
10. 待人以誠，對方不誠便立即遠離，勿拖拖拉拉，做大戲才須好頭好尾。
11. 任何條件也不為討厭的人辦事；雖小氣，免勞氣。

裝修
12. 不要在白鴿籠內建造羅馬柱。
13. 客廳不置組合櫃，空間頓增加七倍。
14. 別讓室內設計師把你的房子設計成他認為理想的房子，除非你打算與他同居。

財政
15. 不打算炒賣任何東西，便無忌。
16. 帳單收到立即付，便無牽無掛。
17. 可以送錢給人，別借錢給人。當然也可以不送錢不借錢給人。
18. 可以有多少錢，並不是由自己決定的，毋須一天到晚『數住』。
19. 間中買貴了，不值得耿耿於懷。
20. 床單至少有兩張，信用卡只需一張。

從簡
21. 不動用自己不懂的字眼。
22. 不去了解自己不明白的人。
23. 週末 ╱假期不一定需要有節目。
24. 不講大話便不用記住講過什麼。
25. 不扮野便不用記住要扮左乜野。
26. 不要看不順眼的人 ╱事物，別看需要邊看邊罵的東西，一年頂多看一次半次好了，例如港姐選舉。
27. 不用應酬你認為是『應酬』的飯局 ╱聚會 ╱出席等等。
28. 把 Appointment Book丟掉，你不是牙醫。
29. 你不需要兩隻手錶，當然更不需要兩副面孔，徒增添維修費用。

接吻                                                                   <---  (I love this one !!! haha )
30. 別濕吻不愛的人，手尾好長。
31. 更加不可濕吻權貴的屁股，乾吻、甚至輕啄也不宜。
32. 接吻時，全情投入，別看鐘錶，別看股價，別看天地萬物。
33. 保持舌頭清潔。
34. 吻時別嚼香口膠，也不要把對方當作香口膠來嚐。
35. 有冇人錫，都要錫自己。

飲食
36. 每天至少吃兩個水果。
37. 眼睛多吃冰淇淋，便可減少眼火爆。
38. 路過涼茶鋪，不妨幫襯一下－有無幫助不重要，自己覺得好便是好。
39. 茶樓酒館宜少去，免得二手煙頂住你個肺。<-- 而家應該可以去多D啦!!
40. 雞肋及其他食之無味的東西，毫不可惜地棄之。
41. 飲水，飲水，再飲水。

睇戲
42. 遠離慘情片，尤其是那些真摰動人的；哽咽有礙呼吸，好辛苦。
43. 看不明白大師的電影，不用內疚，也不必扮欣賞。
44. 睇戲當然要吃零食。
45. 拒絕看配了廣東話的外語片，尤其是成人電影。
46. 請女人看極度驚慄片之前，自己先獨自看一次，免得屆時出醜。
47. 專心看戲，不分心在戲院偷錄。
48. 睇鹹片不要拗劇情。

工作
49. 適可而止。

得失
50. 過後不過一啖笑，記住起身依起棚牙，性感豬頭炳嚇不死人也嚇死自己，  好 happy 。

悲觀的人說「知易行難」，樂觀的人說「知難不難」。
煩事皆因強出頭， 閃埋一邊樂悠悠!!!

=================================================================

你是樂觀定係悲觀呀? 由它吧!! 看完後, 無論怎樣, 你是否開心了呢?

土耳其的紫甘筍

喺香港時, 常常買鮮搾果汁飲,有次,喺香港見到果汁先生出左一隻新飲品, 叫做紫甘筍蘋果蘆薈汁, 佢話D紫甘筍只有土耳其出產,可能以前去土耳其從來唔會行MARKET, 所以見唔到, 我想考究一下是否真有其是, 便即管買黎飲吓, 果然唔錯, 而家終於比我喺土耳其搵到啦, 因為要開始行MARKET啦, , 便即刻買黎試吓, MEMET話用黎搾果汁飲, 佢果然知我心意

其實同香港橙色嘅甘筍一樣, 只有顏色唔同, 不過搾嗰陣時要小心唧到件衫, 味道好鮮好甜, 不過D皮比較硬, 少D牙力斬咬唔開, 喱張相用左閃光, 出黎D顏色白左D,

你睇吓我HONEY, 親手同我整果汁, 未飲個心都甜啦

先整左D柑橘先, 之後便可以同D紫甘筍一齊搾啦!

係喱個角度可以睇到D紫甘筍同真實D顏色有九成相似. 咁而家就可以拎去搾啦!

搾完啦, 變左紅色, 仲有D渣, 不過用羹黎食, D渣好好味, 係唔駛落糖都好甜架!

喱張相可以清楚見到個紫甘筍個樣啦!! YUMMY YUMMY! , 不過飲完條脷變左紫紅色,

唔係幫人地賣廣告, 你地都可以買吓果汁先生果隻紫甘筍蘋果蘆薈汁黎試吓架, 好好味架, 不過條脷一樣會變左紫紅色