數數手指，與他已分別十五個多月，在這期間，我倆每天都有保持網上見面及傾傾五分鍾的電話，但從沒有改變我倆的感情。真的，可貴的感情無論相隔多久，那份感情依舊。
自從去年我倆在土耳其機場分手那時開始，剛剛碰上溏心風暴第一集林峰的日記中〝沒有常在心的第一天〞開始，到現在第二集之花好月圓，林峰可能再一次失去于素秋，原來已是相隔一年多，原來已是那麼久了．．．由那時要由一個編劇至現在已拍成另一部戲，那段時間可想是那麼的長，那麼的久。細心去想，就好像是一個循環，我們再一次沉醉於同一班演員演的電視劇，我倆再一次在機埸見面；分別只有那班演員的角色掉亂，分別只有我倆今次是在香港相聚。
明天黃昏前，我的他來了！！
仲有約兩星期已是我倆的大日子，想到當晚的婚宴佈置，上個星期至開始想有關佈置嘅idea，因為我倆沒有婚前拍婚紗照，所以不能像其他人一樣在開口的位置擺放油畫照，所有我諗住自己做塊Welcome Board便算了，大家看看我的手工，比下意見！
白板一塊
加了閃閃的底紙，另外仲有ｄ英文字
擺字上去後之初稿
不過，好慘呀！因為造金字時，剛剛見到中國劉翔因受傷棄賽，令我震驚到倒瀉手上支金油在身上、枱上及地上．．．自己幾乎變了中國少林十八銅人
！！！哈哈！！
後來成品出現了，哈哈！仲加上花的擺設！靚嗎？
另外，還有些小禮物都是一手一腳由自己包裝，所以近排很忙很忙，我還為每位來賓寫上〝Thank You〞心形小咭，夠哂有誠意啦呱！仲要將每件小禮物包裝得靚靚，例如外型設計及綁上絲帶，希望每位來賓收到它時都高高興興。
大家估吓係ｄ嘜？
一個近鏡睇睇！知道了嗎？你地鍾唔鍾意呀？
仲有ｄ字喺面咖！其實係兩隻匙羹，Double spoon 喺英文寓意＝The couple together forever！！而中文寓意為＝互相扶持（匙），咁解！！
還有，新娘花球、工作人員的小襟花、以及reception桌上的佈置都是由我一手包辦，有些朋友話我傻，做要慳喱ｄ錢，其實都唔慳咖，有ｄ仲貴過出面買現成，皆因我享受整個過程，同埋我喜歡完美，可能係星座影響啩！！
其中一個花球，側面看好似麻麻地
正面呢？好看嗎？
另外一個花球，都幾好！
正面看呢？
呢個係主人家心口的花，點呀？
呢個系姊妹的手花！
總之，整到好累，不過，個過程我好enjoy!!
寫左咁耐Blog，都未同大家介紹過土耳其文，其實你話易又吾系，難又吾講得，都系同英文或者德文差不多，只要背多ｄ生字及單字的話，咁去旅行時都可以talk得幾句！！
我第一個學嘅字系 "Merhaba"(音：媽-霞-爸），即系Hello咁解，馮見到人就叫喱個字，一定冇問題！但系見到喱個字都唔夠喎，最好加埋"Nasilsin"（音：La-Sea-神）informal講法，即系"How are you? 你好嗎"咁解，如果，人地問你"Nasilsin"，咁你就答"Iyiyim"(音：依-儀-嚴），即系"I'm fine我好好"咁解啦，現在看看下面的簡單對話：
Fanny：Merhaba，Nasilsin?
Frankie：Iyiyim, nasilsin?
Fanny：Iyiyim......
當然，以上系超簡單的對話，下次再講ｄ深ｄ．．．．．．不過，我覺得學多樣野都幾好吖，如果各位見到有咩錯，麻煩提點提點！！
終於要開始派帖啦！雖然張帖系酒樓附送埋，我都覺得很漂亮啊！而程序方面系７：００pm於酒樓註冊，希望各位賓客能早點來見證我同Memet嘅歷史時刻喎！
不過，最失敗系喺張帖到，忘記寫上Memet個姓氏，攪到幾乎個個朋友都問我，我將來叫咩野太太，旨因原本在帖中的下款是寫上雙方父母親的名字，而中間內文中只是寫上我倆的名字便可，那麼便不需要寫上Memet的姓氏，點知後來酒樓店長話因為是于歸（即是只有女家請客），所以不需要寫上Memet的父母姓名，唉！真系大意．．．．希望各位吾好見怪！！
現在幾乎每日都要出去見見舊朋友，因為已準備好派發喜帖給他們，一星期中只有一晚是留在家中與家人吃晚飯，真是對不起！
希望到時各位早些到，映多ｄ相，真系招乎吾度．．．
起初，諗住只有攪晚宴，沒有太多東西要事先預備，所以臨結婚前兩個月先去攪，原來，越攪越多野做，例如當晚的人手分配，已令我頭昏腦脹
，因為當初沒有早上接新娘的程序，所以沒有預到有兄弟姊妹這part人員參與，再加上自己本身有細佬同兩個細妹幫手，諗住可以攪掂，只需要另找兩個MC便可以．．．點知，比兩個MC話我，因為其中一個是過來人兼曾擔任過MC，比佢地話我唔緊張兼懶懶閒
喎！
例如：
佈置 － 起碼要少有兩個，早點到打點下，另可幫手到每圍擺小禮物
MC － 找兩個可以有好多idea同執生勁抽嘅人
化妝 － 本身系化妝師就不要給她其他工作，因為不可依靠她幫手換衫
換衫 － 有一個專門負責換衫，另可幫手遞介指，因她是最貼身那位
Reception － 最少要有四個幫手，一個遞筆及講解給賓客知道坐位位置，一個負責點名，另兩個輪流交替
統籌 － 最少兩名，負責音樂、聯絡酒樓、招乎賓客、聯絡攝影、律師等等之瑣碎事
收禮金 － 一個負責收取所有禮金
原來，一個婚禮真的不是兩個人嘅事，要有好多人幫手，真的要請她們飲茶灌水了，多謝你們的幫忙噢
！！
