返左新工都大大話話有成個幾月了, 原來我地公司都幾聯合國吓, 就睇我DEPT, 已經有七個唔同國家嘅員工, 有香港, 即係我啦, 巴西, 伊朗, 波蘭, 英國, 亞美尼亞, 土耳其, 有成十二種不同語言, 可能是客戶服務部啦, 一定會遇到有客係講其中一種語言, 而其他DEPT都有匈牙利, 俄羅斯, 羅馬尼亞, 等等, 而我地DEPT擴充緊, 剛剛又請多四個土耳其同事啦!! 呢張就只是得十一人咋, 下次再影齊D, 而呢張相裡面, 其中一個係老闆娘黎咖, 等大家估吓邊個個樣似老闆娘??
原來我地DEPT有每月之星和每到月尾公司會舉行生日會, 為各員工舉行生日, 上個月大家便到Trainning room 宣佈那個是每月之星是那位?? 大家又估唔估到邊個夠醒目呢?
在這張相, 睇D同事眼神都會估到咖啦!!
冇錯啦, 就是這位同事叫做AREK, 佢份人好好, 又肯教人, 黎左公司五個月咋!! 佢係亞美尼亞人, 不過識講土耳其文, 掂!!
當老闆娘宣佈佢係每月之星時, 佢成塊面都紅哂, 佢身後面嗰位就是人事部經理BRENA
見唔見到我喺度同人傾計呀, 佢地就影番張合照!!
當日我地即刻走落去CANTEEN開生日會TIM, 個蛋糕超大個囉!!一邊係黑森林, 另一邊係士多啤梨黎! 超好味囉!!
人事部經理BRENA宣佈有咩人係當月生日, D人便要走出去啦!!
嘩, 原來老闆娘都係在呢個月生日, 唔怪之得咁人齊啦!!
咁多人生日, 插蠟燭都有排插啦!!
唱完生日歌, 快D吹蠟燭啦!!
再影多張合照先, 講時講, 起初我是跟中間啡色衫嗰個英國鬼,初頭果十日, 真係地獄式, 比佢成日測我D記憶力, 又要做測驗, 又比佢話對我好失望, 我比佢預期中差, 講真, 我都知我D英文唔係好流利啦, 但佢預期我可以寫到D英文有法律款式果D英文, 阿嬸, 如果我寫到, 咁大家就唔係喺度見啦, 你地話係唔係先!!
原來佢地MARKETING有同香港D公司有接觸咖, 會唔會係你呢?
有冇見到右手邊果位哥哥仔呀? 佢係度較緊音樂呀, 仲係DISCO歌, 都有D人喺度DANCING
呢位同事仔, 做咩同我擺個POSE一樣嘅?
見唔見到後面有間玻璃房呀? 果間房係吸煙房黎, 如果係吸煙的, 便要入去吸, 入之前門口有個f'ingerprint, 會記錄係入去時間及次數, 如果一日超過五次, 便會收到EMAIL通知, 叫你唔好吸咁多, 對身體唔好, 哈哈!! 其實即係警告係囉!!
見唔見到我呀? 我排緊隊攞蛋糕呀!! 有得食喎, 唔好執書呀!!
嘩, 阿姐, 唔好偏心喎, 唔好有種族歧視呀!! 我要大舊D!!
沒有留言:
發佈留言