自己從少已在香港長大, 喜歡香港天氣, 沒什太凍, 只是近新春時才會凍幾天, 可能加上自己喜歡游泳, 所以每次出外旅行, 必定是夏天至秋天季節, 或選擇熱帶地方, 我最怕是冬天, 因為雙手及雙腳都是冰冰的, 所以每逢冬天我最喜歡見到的就是太陽.
初到土耳其的時候是秋季, 涼涼的, 清爽的, 我很喜歡, 冬天剛到, MEMET話這個冬天可能會落雪, 落雪?? 對我來說, 完全是陌生, 因為從來沒有見過雪, 只有在雪櫃才見過, 或是飲凍飲時, 才見過雪, 好多人講落雪的時候是很美麗, 不凍的, 只是溶雪的時候才會凍, 真的嗎? 所以, 我很想在土耳其見到落雪, 因為我是不會在冬季去其他地方旅行, 難得人已在土耳其, 不防看看落雪是否真的很美麗, 我祈待落雪的感覺, 真是又愛又恨.........
上星期, 新聞報導話ISTANBUL可能在某些地方會落雪, 好祈望可以在家門口看看, 但是一丁點也沒有
, 只聽到有位朋友住在ULUS附近見到落雪, 唉!! 唔知要等到幾時才見到落雪呢??
就在今天2008年12月29日下午6時35分, 在這個時候, 我是開始我的工作, 煮飯, 咁由廚房窗口望出去, 心想, "唉!! 又落雨!! 至憎!! " , 但由微弱的街燈望去, 為何D雨咁大粒嘅?? 唔通係D塵黎嘅?? 冇理由係D塵黎喎!! OH MY GOD!!! 唔通係.......即刻飛奔去攞相機同去露台看看先！！
我的第一次在家的露台見到雪啦, 我像小孩一樣，仲用手去捉Ｄ雪，你地睇吓，可能你地都見過雪，覺得冇咩大不了，但是，我相信，你地的第一次應該同我差不多，都係興奮到飛起，像小孩一樣在玩雪， 對嗎？
你地話啦! 似唔似D塵先!!
仲好鬼死大粒呀!! 一舊舊.....
成個天都係呀!!
呢粒仲大到, 影出黎, 仲影到好似個月光咁樣!!
當時, 好想即刻話比MEMET聽, 我見到落雪,但因為佢係電視台, 收唔到電話, 咁就話比MSN D 朋友聽啦, 點知, 嗰個時候, 只有上次見過面的PHOEBE 在線上, 咁就同佢講啦, 你知唔知佢點回應我呀: '係呀!! 咁你玩一陣好啦!! 千祈唔好唔記得煮飯呀!!傻婆' 
係喎, 我真係要去煮飯啦, 好彩有佢提醒左我 
真係好大粒, 好靚, 好浪漫呀!! 最衰我個HONEY唔係身邊, 又唔係在早上有太陽時落, 如果係, 呢個世界實在太完美啦!!
你地嘅第一次睇雪嘅心情是怎樣咖？？
我係日本富土山第一次見到嘅，不過無你嗰邊咁大粒，我同朋友發咗癲係到叫仲狂笑㖭，原來D雪唔一定係圓㗎，嗰次D雪落係我手上我哋見到係"米"字型狀好似畫畫嗰D好靚㗎。
回覆刪除當你見到d積雪會仲開心
回覆刪除認同樓下說 "見到d積雪會仲開心", 不過溶雪你會好傷心, 因為會勁凍!
回覆刪除如果門口太多冰層會好易滑倒.我奶奶會灑鹽.
回覆刪除我第一次去旅行見到雪都好似發左癲咁, 到依家仍然好期待去有雪的地方 我想係積雪上碌來碌去
回覆刪除下雪真棒 ! 也帶來新年的氣氛 !
回覆刪除祝你 新年快樂 !
第一次見到雪呀???....係我今年x'mas去濟州島時, 見到幾粒咋 陰公
回覆刪除土耳其都落雪呀..
回覆刪除Hi! I'm live in Italy, here is very heavy snow now! Last week, the snow bigger like cotton.
回覆刪除May I ask does your backgroud photos are you & your hubby? Very nice pictures, where you took it?
Happy New Year!
妳要小心身體呀。
回覆刪除我不知什麼原因，08年4月開始斷斷續續病，12月還整個月都病，食藥食到我怕怕。
妳知道我是誰嘛？
回覆刪除Yes, You are wise
回覆刪除我見過好幾次落雪,可是每一次見到雪我的心情都是一樣的,就是興奮的沖到能碰到雪的地方玩雪! 我喜歡凍...更喜歡落雪- -"可以我的心情是興奮的!!~
回覆刪除p.s.有空請來我的blog哦~感恩萬分~~
I just watched your wedding pic, so sweet.
回覆刪除My turkish friend told me before turkish wedding last for 3 days , but when i saw your wedding pic, it is fun!
Good good. Snowing is actually increasing the temperature a bit and it'll be less cold
回覆刪除最近忙吧 ?
回覆刪除好久不見你的新文章了 ! 土而其應該也冷吧 ?
新年快樂 !!