2009年的頭二十天(二) - 另類的SARMA

一月三日, 雨加少雪日, 這天, 我朋友Ginnie自己起程去Canakkale和Selçuk, 而其中Canakkale 有個地方叫Troy特洛伊, 即是電影「木馬屠城記」, 我很喜歡這套電影。故事是講公元前1193年，特洛伊王國王子擄走了希臘的王妃，發起了兩個國家的戰爭，最後希臘人突然撤退，留下一匹巨型木馬讓敵方帶入城裡，原來木馬內藏著一批希臘戰士，夜裏出來開城，裡應外合便把城攻陷。

其實我都好想跟朋友一齊去看看, 但因奶奶在家, 所以便要在家裡和她一起。而和奶奶一起在家有好多好處，因為佢會整好多土耳其菜，諗起已經流口水啦。

一月五日，雨天，這天她在家教我做另類的SARMA，之前曾介紹Sarma用葡萄葉包裹，但並不是好多人會接受到葡萄葉有種苦澀味，所以今次佢用大椰菜代替葡萄葉，效果出奇的好味。

首先，將其分類，例如，菜葉，菜芯，最好將最嫩的取出，放水煮熟。

之後，將牛肉碎，洋蔥碎，一湯匙茄膏，鹽，香葉碎，胡椒，加入橄欖油煮，煮好後加入生米，攪拌備用。

之後就好似包水餃一樣，將菜葉包裹著肉碎，一卷一卷的包裹著。

你可以見到Ｄ米係咪熟，因為包完之後，便一卷卷的放回煲內，再加數大粒蒜頭及清水煮熟，當然唔係就咁放入煲內，好似下圖咁，將菜芯放入煲底墊著

頭尾要用菜葉包回，以免內裡的咸走出來。

這個便是包好的成品啦！！

這個便是煮好的成品了，食前可以加入一些胡椒及辣椒粉，味道相當不錯，我老公起碼食兩碟！！

如果要我比較椰菜葉及葡萄葉，我會選擇用椰菜，因為味道比較清淡及有Fresh嘅感覺，因為唔係好多人會食到澀澀地的葡萄葉，又加上，香港人覺得佢有Ｄ似珍珠雞，會問我，點解要食埋Ｄ葉，因為我個朋友ginnie黎到食葡萄葉包的Sarma, 點知佢將Ｄ葡萄葉拆開，只食裡面Ｄ野，好攪笑